საქართველოს ლტოლვილთა და განსახლების მინისტრი კობა სუბელიანი ბორჯომში, ყოფილ სანატორიუმ "პლატოში" მცხოვრებ დევნილებს შეხვდა და საცხოვრებელი ფართების საკუთრებაში გადაცემას დაჰპირდა. როგორც "პირWელს" ლტოლვილთა და განსახლების სამინისტროდან აცნობეს, მინისტრმა მიმდინარე სარემონტო სამუშაოებიც დაათვალიერა და დევნილებს აღნიშნული ფართების საკუთრებაში გადაცემაზე ესაუბრა. "ბორჯომის სანატორიუმი "პლატო" დევნილებს საკუთრებაში გადაეცემათ. ამ ყველაფრის შემდეგ სიტუაცია ერთხელ და სამუდამოდ მოწესრიგდება"- განაცხადა სუბელიანმა. აღსანიშნავია, რომ ყოფილ სანატორიუმში 184 დევნილი ოჯახი ცხოვრობს.