აფხაზეთიდან დევნილი ინვალიდი ქალბატონი მეტროს სადგურ "დელისში" ცხოვრობს. 40 წლის ნანა კალანდია მოძრაობა "შემოგვიერთდიმ" აღმოაჩინა, რომელიც მიუსაფართა აღწერას აწარმოებს. "ეს ქალბატონი დელისის მეტროში, ყუთებში ცხოვრობს. გარდა იმისა, რომ თავშესაფარი არ აქვს, წელსქვემოთ მოწყვეტილია და სამედიცინო დახმარება ესაჭიროება. როგორც ნანა კალანდიამ განგვიცხადა, მან დახმარებისთვის ლტოლვილთა და განსახლების მინისტრ კობა სუბელიანსაც მიმართა, თუმცა სამინისტროში "ფორმა #100" მოსთხოვეს, რისი საშუალებაც არ ჰქონდა. ამასთან, გრძელვადიანი პროცედურების გავლა იყო საჭირო, მის სიცოცხლეს კი საფრთხე ემუქრება და ამდენი დრო არ ჰქონდა. შესაბამისად, ქალბატონმა ჩვენ გვთხოვა, მისი ამბავი მასმედიის საშუალებით გაგვეხმაურებინა. ჩვენ მივმართავთ ლტოლვილთა და განსახლების მინისტრს, ასევე ყველას, ვის კომპეტენციაშიც ეს შედის და უბრალო მოსახლეობას, დავეხმაროთ უსახლკარო ქალბატონს. დღეს ვაპირებთ, სასწრაფო დახმარების საშუალებით იგი რომელიმე საავადმყოფოში მივიყვანოთ, შემდეგ კი მიუსაფართა თავშესაფარში გადავიყვანოთ, თუ, რა თქმა უნდა, მიიღებენ, ვინაიდან ამაზეც უარი უთხრეს," - განუცხადა "პირWელს" მოძრაობა "შემოგვიერთდის" წევრმა თიკო ნიბლოშვილმა. მოძრაობა "შემოგვიერთდი" დღეს, 13:00 საათზე მეტრო "დელისთან" შეიკრიბება და შესაბამის უწყებებს ნანა კალანდიას დახმარების მოთხოვნით მიმართავს.
