"ეროვნული საბჭოს" ერთ-ერთი ლიდერის, "კონსერვატორი" ზვიად ძიძიგურის შეფასებით, ახალგორსა და კოდორში დევნილების დაბრუნების საკითხში მოსკოვში დადებითი შედეგის მიღების ალბათობა მაღალია". ამის შესახებ ძიძიგურმა დღეს "პრაიმთაიმის" პრეს-კლუბში მისი თანასაბჭოელის – მოძრაობის "ერთიანი საქართველოსთვის" ლიდერის ზურაბ ნოღაიდელის მოსკოვში მორიგი ვიზიტის დეტალებზე საუბრისას განაცხადა. შეგახსენებთ, რომ მოძრაობის "სამართლიანი საქართველოსთვის" ლიდერი ზურაბ ნოღაიდელი მოსკოვში მორიგ ვიზიტს მაისის დასაწყისში გეგმავს. "ნოღაიდელი მოლაპარაკებებს დევნილების ახალგორსა და კოდორში დაბრუნების საკითხზე გამართავს და ამმხრივ დადებითი შედეგის მიღების ალბათობა მაღალია" – აღნიშნა ძიძიგურმა.