დევნილები ლტოლვილთა და განსახლების მინისტრს კობა სუბელიანს ცრუ დაპირებებსა და უყურადღებობაში ადანაშაულებენ. ამ ბრალდებით ისინი სამინისტროს შენობასთან აქციის მოწყობას გეგმავენ. როგორც "პირWელთან" საუბრისას უშიშროების აკადემიის სასადილოს ყოფილ შენობაში კომპაქტურად ჩასახლებული დევნილები აცხადებენ, მათ მცირეწლოვან ბავშვებთან ერთად ფაქტობრივად ღია ცის ქვეშ უწევთ ცხოვრება, რადგან შენობის სახურავს ფუნქცია დაკარგული აქვს და საცხოვრებელ ოთახებში წვიმს. მათივე თმით, მოუგვარებელია კანალიზაციის საკითხი, რასაც ანტისანიტარიის პრობლემამდე მივყავართ. "განცხადებები მოგვთხოვეს, "მივართვით", მაგრამ უშედეგოდ, ლტოლვილთა და განსახლების სამინისტრო ყურსაც არ იბერტყავს. ერთი კვირა მივეცით და თუ ამ დროში არ მოგვხედავენ, საპროტესტო აქციას მოვაწყობთ"- აცხადებენ დევნილები. უშიშროების აკადემიის სასადილოს ყოფილ შენობაში ოჩამჩირიდან დევნილი 21 ოჯახი ცხოვრობს.
