მარნეულის რაიონში, ყოფილი სამხედრო დასახლების ტერიტორიაზე მცხოვრებ დევნილთა 83 ოჯახს საცხოვრებელი ბინები მაქსიმუმ, ორ თვეში დაუკანონდება. ამის შესახებ დღეს პრეზიდენტის სახელმწიფო რწმუნებულმა ქვემო ქართლში დავით კირკიტაძემ და საქართველოს ლტოლვილთა და განსახლების მინისტრმა კობა სუბელიანმა მარნეულის რაიონში მცხოვრებ დევნილებთან შეხვედრისას განაცხადეს. აღსანიშნავია, რომ დენილთა საცხოვრებელი სახლები უკვე გადაიხურა, მოწესრიგდა წყალგაყვანილობის სისტემებიც.