წყარო: პორტალი GINSC
კატეგორია: გენდერული პოლიტიკა 
2010-07-07
საქართველოს პარლამენტის თავმჯდომარის მოადგილემ, პარლამენტის გენდერული თანასწორობის საბჭოს თავმჯდომარემ რუსუდან კერვალიშვილმა, გაეროს ქალთა ფონდის (UNFEM) მხარდაჭერით, მიმდინარე წლის 28 ივნისს, ქალაქ ნიუ–იორკში გამართულ ქალთა დისკრიმინაციის სალიკვიდაციო კომიტეტის მე–16 სესიაში მიიღო მონაწილეობა.
მნიშვნელოვანია, რომ ქალთა დისკრიმინაციის სალიკვიდაციო კომიტეტის მე–16 სესიაზე მიმდინარე, ხელახალ არჩევნებს გაეროში საქართველოს მუდმივი წარმომადგენელი კახა ლომაია უძღვებოდა. სესიაზე ხაზი გაესვა, ასევე საქართველოში გენდერულ სფეროში განხორციელებულ საკანონმდებლო და ინსტიტუციურ ცვლილებებს. ექსპერტებთან შეხვედრების დროს დაისახა შემდგომი თანამშრომლობის პერსპექტივები.
ამერიკაში ვიზიტისას საინტერესო შეხვედრა შედგა გაეროს მოსახლეობის ფონდის (UNFPA) აღმასრულებელ დირექტორ ქალბატონ თორაია ახმედ ობაიადთან, რომლის ხელშეწყობითაც საქართველოში მნიშვნელოვანი პროექტები ხორციელდება. შეხვედრისას გამოითქვა მზადყოფნა გენდერულ სფეროში შემდგომი აქტიური თანამშრომლობის.
|
