არგენტინის პრეზიდენტმა კრისტინა ფერნანდესმა ხელი მოაწერა ბრძანებულებას სექსუალური მომსახურების შესახებ გაზეთებში. განკარგულება #936 ოფიციალურად ძალაში შევიდა 2011 წლის 6 ივლისს.
მსოფლიოს მრავალი გაზეთების მსგავსად არგენტინის პრესაშიც მრავლად შეხვდებით სექსუალური ხასიათის რეკლამებს, სადაც ქალთა უმეტესობა ტრეფიკინგისა და პროსტიტუციის მსხვერპლია.
პრეზიდენტმა თავის გამოსვლაში გააკრიტიკა მედია საშუალებები და დაადანაშაულა ისინი "ორმაგ მორალსა და ფარისევლობაში".
"გაზეთებში ვერ დაიბეჭდება სტატიები, რომლებიც მიმართული იქნება ტრეფიკინგის წინააღმდეგ, როდესაც უკანა გვერდებზე წარმოდგენილია ქალთა დამამცირებელი განცხადებები" - განაცხადა ფერნანდესმა.
შეიქმნება ახალი სამთავრობო სააგენტო, რომელიც მონიტორინგს გაუკეთებს განცხადებებს, თუმცა ჯერჯერობით ნათელი არ არის ის სადამსჯელო ღონისძიებები, რაც ახალი კანონის დარღვევას მოჰყვება თან.
