გერმანიის ქალაქ ბონის ხელმძღვანელობამ მეძავების დაბეგვრის გადაწყვეტილება მიიღო. როგორც „ვესტი“ იუწყება, ბონის მერია უძველესი პროფესიის წარმომადგენლებისთვის სპეციალურ ადგილს შექმნის, სადაც დამონტაჟდება სალარო აპარატები, რომელთა საშუალებითაც მეძავები ახალ გადასახადს გადაიხდიან.
თითოეულ მეძავს სპეციალურად გამოყოფილ ადგილზე ერთი ღამით დგომის უფლების მოპოვება 6 ევრო დაუჯდება, ანუ მუშაობის დაწყებამდე მათ ეს თანხა სალარო აპარატებში უნდა ჩარიცხონ.
ბონის მერიის წარმომადგენელთა თქმით, ფულის ჩარიცხვის შემდეგ აპარატი ქვითარს ბეჭდავს, რომელიც მეძავებმა მთელი ღამის განმავლობაში უნდა შეინახონ. სხვა შემთხვევაში, ის მეძავი, რომელსაც ქვითარი არ ექნება, 100 ევროთი დაჯარიმდება.
ბონის მერიაში იმედოვნებენ, რომ ახალი გადასახადის შემოღებით ქალაქის ბიუჯეტის წლიური შემოსავალი 200 ათასი ევროთი გაიზრდება.
