გაეროს სამშვიდობოები აფრიკის ქვეყნებში არასრულწლოვნებს საკვები პროდუქტების სანაცვლოდ, სქესობრივ კავშირს აიძულებდნენ, ნათქვამია საიტ Wikileaks-ზე გამოქვეყნებულ საიდუმლო დოკუმენტებში.
კოტ-დიუარში მცხოვრები ათიდან - რვა გოგონა გამოტყდა, რომ ბენინელ სამშვიდობოებთან სექსუალური კავშირი ჰქონდათ, ამის სანაცვლოდ კი მათგან საკვებ პროდუქტებსა და თავშესაფარს იღებდნენ.
Wikileaks-ის მონაცემებით, ჯარისკაცებთან სექსუალურ კავშირს ბავშვებს მათივე მშობლები აიძულებდნენ, რადგან ჯარისკაცები მათ ზრუნვასა და პატრონობას ჰპირდებოდნენ.
გაერო-ს წარმომადგენელმა მიშელ ბონარდომ დაადასტურა, რომ ბენინიდან 16 სამშვიდობო პირი აფრიკაში მართლაც იმყოფებოდა.
ჯარისკაცების მხრიდან სექსუალური ძალდობის შემთხვევები მესამე სამყაროს რამდენიმე ქვეყანაში - კონგოში, კამბოჯასა და ჰაიტიზე - ადრეც მომხდარა, მაგრამ კოტ-დიუარში ეს პირველი შემთხვევაა. მიმდინარეობს გამოძიება.
