საქართველოს პარლამენტის ვიცე-სპიკერი მანანა კობახიძე, საარჩევნო სისტემების საერთაშორისო ფონდის გენდერული თანასწორობის ქსელი, რეგიონული კოორდინატორები და მედიის წარმომადგენლები რეგიონის საკანონმდებლო ორგანოში შეიკრიბნენ. მათი შეხვედრის მიზანი აჭარის რეგიონის ინსტიტუციურ დონეზე გენდერული თანასწორობის მექანიზმის შემუშავება გახლდათ. შეკრებილებმა განაცხადეს, რომ საკანონმდებლო სტრუქტურებში ქალების დასაქმების ხელშეწყობის მიზნით, უმაღლეს საბჭოში გენდერული თანასწორობის კომისია შეიქმნება.
საქართველოს პარლამენტის ვიცე-სპიკერ მანანა კობახიძის განცხადებით, 2014 წლეს გაიმართება ადილობრივი თვითმმართველობის არჩევნები, რომელშიც მეტი ქალი ჩაერთვება. ასევე, სამომავლოდ იგეგმება ქალთა კვოტების შექმნა, რაც ხელს შეუწყობს ქალების დასაქმებას საჯარო სტრუქტურებში. მისივე განმარტებით, ამ ინიციატივას მხარს უჭერს საქართველოს პარლამენტის გენდერული თანასწორობის საბჭოც.
უმაღლესი საბჭოს დეპუტატის მედეა ვასაძის თქმით, გამართული ღონისძიება ძალიან მნიშვნელოვანია, რადგან იგი მიზნად ისახავას ქალის უფლებების დაცვასა და მის გაძლიერებას პოლიტიკურ ასპარეზზე.
შეხვედრის დასასრულს აჭარის ავტონომიური რესპუბლიკის უმაღლეს საბჭოსა და გენდერული თანასწორობის ქსელს შორის ურთიერთანამშრომლობის მემორანდუმი გაფორმდა.
