საქართველოს პარლამენტის ვიცი-სპიკერი, გენდერული თანასწორობის საპარლამენტო საბჭოს თავმჯდომარე მანანა კობახიძე და გენდერული თანასწორობის ქსელის თავმჯდომარე მანანა მებუკე დღეს მემორანდუმს გააფორმებენ.
როგორც "ინტერპრესნიუსს" პარლამენტიდან აცნობეს, შეხვედრას დეპუტატები, საერთაშორისო და არასამთავრობო ორგანიზაციების წარმომადგენლები და გენდერული თანასწორობის ქსელის რეგიონული კოორდინატორები დაესწრებიან.
მემორანდუმი ქალთა პოლიტიკურად გაძლიერების ხელშეწყობას ეხება და მიზნად ისახავს ხელმომწერ მხარეებს შორის კოორდინირებულ, პოზიტიურ თანამშრომლობაზე ორიენტირებულ საქმიანობას რეგიონში გენდერული თანასწორობისა და ქალთა უფლებების დასაცავად.
ღონისძიება პროექტის - "გენდერული თანასწორობა პოლიტიკურ პროცესებში" ფარგლებში იმართება, რომელსაც ახორციელებენ "ქალთა კავშირი" და გენდერული თანასწორობის ქსელი ამერიკის შეერთებული შტატების საერთაშორისო განვითარების და სააჩევნო სისტემების საერთაშორისო ფონდის მხარდაჭერით.
