15 წლის ინდოელმა გოგონამ ნიუ დელიდან პოლიციას აცნობა, რომ მამამ ტრეფიკერებს $4 630 სანაცვლოდ მიჰყიდა, მაგრამ მან გაქცევა მოახერხა.
გოგონამ თქვა, რომ მამამ მიჰყიდა მამაკაცს, რომელსაც 2 დღის მანძილზე დელის გარეუბანში, ოთახში ჰყავდა ჩაკეტილი, სადაც ის გააუპატიურეს.
გოგონამ გაქცევა მოახერხა, თუმცა როდესაც სახლში დაბრუნდა, თემის უხუცესებმა გააფრთხილეს, პოლიციისთვის არ მიემართა. როდესაც მამამ კიდევ დაუპირა გაყიდვა - ამჯერად უფრო მაღალ ფასად - გოგონამ, დედის დახმარებით, პოლიციას მიმართა.
ცნობილია, რომ სამხრეთ აზიაში, ყოველწლიურად, 150 000-ზე მეტი ადამიანი ხდება ტრეფიკინგის მსხვერპლი. თუმცა მათი რეალური რიცხვი კიდევ უფრო მაღალი უნდა იყოს.
