პრემიერი დარწმუნებულია, რომ მოვა დღე, როდესაც საქართველოს მთავრობა ოლიმპიური სოფლის მსგავს კომპლექსებს აფხაზეთსა და ცხინვალშიც ააშენებს.
პრემიერის ინფორმაციით, ოლიმპიური სოფლის კომპლექსი ახალგაზრდული ფესტივალის დასრულების შემდეგ დევნილებს საჩუქრად გადაეცემათ. ამის შესახებ ირაკლი ღარიბაშვილმა ოლიმპიური სოფელლის გახსნის დროს განაცხადა.
"მინდა კიდევ ერთხელ გითხრათ, რომ ფესტივალის დასრულებისთანავე ამ არაჩვეულებრივ კომპლექსს საჩუქრად გადავცემთ ჩვენს დევნილებს. ჩვენთვის ძალიან მძიმეა 25 წელი იცხოვრო დევნილობაში საკუთარ ტერიტორიაზე, მაგრამ მე მჯერა, რომ მოვა დღე, როდესაც ასეთ არაჩვეულებრივ კომპლექსებს და ასეთ შენობებს ავაშენებთ აფხაზეთსა და ცხინვალში და ჩვენ ყველანი ერთად ვიზეიმებთ ძალიან ბევრ ღონისძიებას", - განაცხადა ღარიბაშვილმა.