ინციდენტების პრევენციისა და მათზე რეაგირების მექანიზმის ფარგლებში, სამუშაო ჯგუფის შეხვედრა გაიმართება დღეს ერგნეთში. შსს-ს საინფორმაციო ანალიტიკური დეპარტამენტის დირექტორის შალვა ენუქიძის განცხადებით, ქართული მხარე მთავარ თემებად ხურვალეთსა და ორჭოსანის ტერიტორიაზე საოკუპაციო ხაზის გადმოწევასა და სოფელ კნოლევში მამაკაცის გატაცებას დააყენებს.
"ერგნეთში გაიმართება რიგგარეშე ინციდენტების პრევენციისა და მასზე რეაგირების შეხვედრა, ძირითადი საკითხი იქნება ბოლო პერიოდში ხურვალეთში და წინაუბანში განვითარებული მოვლენები, ე.წ. საზღვრის აღმნიშვნელი ბანერების მონტაჟი. რაც შეეხება დაკავებას, ამ საკითხსაც დღის წესრიგში დავაყენებთ",-განაცხადა ენუქიძემ.