თბილისის ზღვაზე, საცხოვრებელ კომპლექს "ოქროს საწმისში" მცხოვრები 160-მდე ოჯახი "ოლიმპიურ ქალაქში" ბინებს ითხოვს. დევნილები აქციას მთავრობის ადმინისტრაციის წინ მართავენ და შესახლებას ითხოვენ.
როგორც "აიპრესთან" აქციის მონაწილე მიხეილ ხუნდაძემ საუბრისას აღნიშნა, ისინი გაუსაძლის პირობებში ცხოვრობენ. თუ მთავრობა მათ ბინას არ გამოუყოფს ოლიმპიურ ფესტივალს ჩაშლიან.
როგორც ხუნდაძემ აღნიშნა, საცხოვრებელ კომპლექსში 160-მდე დევნილი ოჯახი ცხოვრობს. რომლებსაც ფართები არ აქვთ დაკანონებული.
"ჩვენ "ოქროს საწმისის" კომპლექსში უკანონოდ ვიმყოფებით, იმიტომ რომ სხვა გზა არ გვქონდა. აქ 12 მ2-ში 7-8 ოჯახის წევრი ცხოვრობს. არაერთხელ შევიტანეთ განცხადება დევნილთა სამინისტროში, როგორც მე, ასევე სხვა დევნილმა მეზობლებმა, თუმცა არანაირი რეაგირება არ მოჰყოლია. ისინი მხოლოდ წინასაარჩევნოდ მოვიდნენ და მხოლოდ დაპირებები მოვისმინეთ. თუ მთავრობა ჩვენთვის "ოლიმპიურ ქალაქში" ბინებს არ გამოყოფს, გზებს გადავკეტავთ, დავდგებით ქუჩაში და არანაირი ოლიმპიადის ჩატარების საშუალებას არ მივცემთ", - განაცხადა ხუნდაძემ.
შეგახსენებთ, რომ მთავრობამ "ოლიმპიურ ქალაში" 8 კორპუსი შეისყიდა. 298 ოჯახის შესახლება 2015 წლის სექტემბერში იგეგმება. ხოლო დანარჩენი 300-მდე ოჯახის ჩასახლება 2016 წლის I- კვარტალში უნდა მოხდეს. სავარაუდოდ 25 აგვისტოს გახდება ცობილი 2015 წლის სექტემბერში ვინ მიიღებს ბინას.
ცნობისთვის, პრემიერი დევნილებს ოლიმპიური ქალაქის ჯერ 16 კორპუსს დაჰპირდა, შემდეგ კი 8-ს
