3 დეკემბერს საქართველოს პარლამენტის იურიდიულმა კომიტეტმა მხარი არ დაუჭირა გენდერული კვოტირების პროექტებს, რომელთაგან ერთი დეპუტატების ნანა ყეინიშვილისა და თემურ ჭკუასელის სახელითაა ცნობილი, მეორე კი „ქალთა მოძრაობის“ მიერაა ინიცირებული.
რატომ ჩავარდა კანონპროექტები საკომიტეტო მოსმენაზე და რას ითვალისწინებს კვოტირების მხარდამჭერი კამპანია, რომელიც ჯერ მხოლოდ შეთანხმების სახით არსებობს? - ამ საკითხებზე „გენდერულ ამბებში“ სასაუბროდ ნონა მჭედლიშვილმა მიიწვია „ოქსფამის“ გენდერული პროგრამების მენეჯერი თათია ვაშაკიძე და „ქალთა საინფორმაციო ცენტრის“ პროექტის კოორდინატორი მაია გრძელიშვილი.
