პარასკევს, ცაი ინგ-ვენი ტაივანის პირველი ქალი-პრეზიდენტი გახდება. მართალია, ყოფილ სამართალმცოდნეობის პროფესორს არც კი ქონია ამბიცია, რომ პრეზიდენტი გამხდარიყო, იგი ნამდვილად გამოირჩევა სამხრეთ აზიის სხვა ლიდერი ქალებისაგან.
სამხრეთ კორეის პრეზიდენტისაგან, ტაილანდის ყოფილ პრემიერ-მინისტრისაგან და ფილიპინების ყოფილ პრეზიდენტისაგან განსხვავებით, ინგ-ვენს წინ არ უძღვის მამა ან ძმა, რომლებსაც პოლიტიკური ავტორიტეტი გააჩნიათ.
ბევრი ტაივანელი პოლიტიკოსი ქალი: ყოფილი ვიცე-პრეზიდენტი ანნეტე ლუ, გაოსიუნგის მერი ჩენ ჩუ და გომინდანის პარტიის თავჯდომარე ჰუნგ სიუ-ჩუ მაღალი თანამდებობები თავისი შრომით დაიკავეს- არც ერთი მათგანი არ გაზრდილა პოლიტიკოსების ოჯახში.
იანვრის არჩევნების შედეგად, ტაივანს კანონმდებელი ქალების რეკორდული პროცენტი ყავს, რაც 38%-ს შეადგენს. მოგახსენებთ, რომ საერთაშორისო საშუალო რიცხვი 22%-ს შეადგენს, რაც ნიშნავს იმას, რომ ტაივანი უსწრებს არა მარტო აზიის ქვეყნებსა, არამედ ევროპის ქვეყნებს, როგორიცაა ბრიტანეთი და გერმანია. ტაივანი ასევე აშშ-სთან შედარებით გაცილებით მაღალ პოზიციას იკავებს.
პოლიტიკოსი ქალების რაოდენობით ტაივანი ნამდვილად სამაგალითოა. თუმცა აღსანიშნავია ის ფაქტი, რომ არც ერთ წამყვან პოლიტიკოს ქალს არც მეუღლე და არც შვილები არ ყავთ.
მიუხედავად ამისა, მხოლოდ ოთხი ქალი იკავებს მინისტრთა კაბინეტში ადგილს. ეს გამოწვეულია გამოცდილი პოლიტიკოსი ქალების ნაკლებობით და ასევე იმიტომ, რომ ქალებს სხვა თანამდებობებზე ირჩევდნენ.
