Категория: Гендерная политика 
2017-02-07
6 თებერვალს, ბოლნისის მუნიციპალიტეტის საკრებულოს მორიგ სხდომაზე დეპუტატებმა გენდერული თანასწორობის ღონისძიებათა 2017-2019 წლების სამოქმედო გეგმა დაამტკიცეს.
გენდერული სამოქმედო გეგმის პრეზენტაცია პირველად ქვემო ქართლში სახელმწიფო რწმუნებულის-გუბერნატორის ადმინისტრაციაში მოეწყო, სადაც მხარის გუბერნატორმა განაცხადა, რომ „ბოლნისის მუნიციპალიტეტში შექმნილი დოკუმენტი გახდეს ნიმუში და მის მაგალითზე ქვემო ქართლის ყველა მუნიციპალიტეტმა იხელმძღვანელოს და შეიმუშაოს „გენდერული სამოქმედო გეგმა.“ სასიამოვნოა ის ფაქტი, რომ რეგიონში პირველი მერცხლები ვართ, მადლობა ადგილობრივ ხელისუფლებას მხარდაჭერისთვის.
ბოლნისის მუნიციპალიტეტმა შეიმუშავა გენდერული სამოქმედო გეგმა , რომელიც გაწერილია გრძელვადიან (3 წლიან) და მოკლევადიან (1 წლიან) პერიოდზე.
გენდერუალი სამოქმედო გეგმა 5 მიზნისგან შედგება, ესენია:
ადგილობრივი თვითმმართველობის ორგანოში გენდერული თანასწორობის პრინციპების დანერგვა/ცნობიერების ამაღლება;
სოფლად მცხოვრებ ქალთა ეკონომკური ხელშეწყობა;
გადაწყვეტილების მიღების პროცესში ქალთა და მამაკაცთა თანაბარი ჩართულობის ხელშეწყობა/უზრუნველყოფა;
ქალთა მიმართ ძალადობისა და ოჯახში ძალადობის პრევენცია;
სხვადასხვა მიზნობრივი პროექტების განხორციელება.
მოგეხსენებათ, ბოლნისი მრავალეთნიკური მოსახლეობისგან შედგება , მუნიციპალიტეტში სადაც 78 700 ადამიანი ცხოვრობს მოსახლეობის 65% ეთნიკურ უმცირესობას წარმოადგენს, სწორედ ამიტომ ძალიან საფრთხილოა გენდერულ თანასწორობაზე საუბარი, მითუმეტეს გენდერი თვითმმართველობაში ახალი მიმართულებაა, სიახლე კი ხშირ შემთხვევაში კითხვებს იწვევს, ნდობაც ნაკლებია , ამიტომ პირველი, რაც გენდერული თვალსაზრისით განვახორციელეთ ეს იყო 2015 წელს, „სოფლის მხარდაჭერის პროგრამის“ ფარგლებში ქალთა ჩართულობა. „ქალის ხმამ მნიშვნელობა შეიძინა“, ისინი აქტიურად ჩაებნენ სოფლის პრობლემების მოგვარების საკითხებში, ასახელებდნენ პრიორიტეტებს. სოფლის კრებებს სულ 1089 ადამიანი დაესწრო აქედან 421 ქალი, ანუ ქალთა აქტივობა 38% დაფიქსირდა. ეს ტემპი 2016 წელსაც გაგრძელდა და გაუმჯობესდა კიდეც ქალთა მონაწილეობა გადაწყვეტილების მიღების პროცესში 47% მიაღწია. (საერთო რაოდენობა 1085/ ქალი 513).
სოფლის მოსახლეობის სტატისტიკას „გენდერულ ჭრილში“ თუ გადავხედავთ 26 სოფლის მონაცემით 401 ქალი არის ოჯახის უფროსი. აღსანიშნავია, ის რომ აქედან სოფლების უმრავლესობა ეთნიკური უმცირესობაა.
არ შემიძლია არ ავღნიშნო ხელმძღვანელობის მხარდაჭერა და მზაობა ქალთა გაძლიერების კუთხით, ამის ნათელი მაგალითია ახალი მუნიციპალური სერვისი „ქალთა ოთახი“. სწორედ მუნიციპალიტეტისა და ქალთა ოთახის შედეგია ის, რომ 525 ქალი დატრენინგდა და გახდა ინფორმირებული ქალთა უფლებების შესახებ.
ასევე საინტერესოა ხელმძღვანელ თანამდებობებზე მოღვაწე ქალთა რაოდენობა. ბოლნისის მუნიციპალიტეტის გამგეობის სამსახურებში, ა(ა)იპ-ებსა და შპს-ებში, საკრებულოში ქალები წამყვან პოზიციებზე ასე გადანაწილდნენ: საკრებულოში ფრაქციის თავმჯდომარე ერთი, საკრებულოს აპარატის უფროსი ერთი, საკრებულოს თავმჯდომარის თანაშემწე ერთი, გამგებლის მოადგილე ერთი, განყოფილების უფროსი ექვსი, სოფლებში გამგებლის წარმომადგენელი სამი მათგან 1 ეთნიკურად აზერბაიჯანელი, გამგებლის თანაშემწე ერთი, შპს დირექტორი ორი, ა(ა)იპ უფროსი შვიდი.
|
