კატეგორია: ექსკლუზივი 2017-10-04
2017 წლის 3–4 ოქტომბერს, აღმოსავლეთ ევროპისა და ცენტრალური აზიის 11 ქვეყნის 90-ზე მეტმა პარლამენტარმა, ადგილობრივმა ხელისუფლების და საზოგადოებრივი ორგანიზაციების წარმომადგენელმა მიიღო მონაწილეობა აღმოსავლეთ ევროპისა და ცენტრალური აზიის რეგიონულ კონფერენციაში მოლდოვის დედაქალაქ კიშინიოვში.
შეხვედრაზე განხილული იყო ქალთა უფლებებთან დაკავშირებული ყველაზე მწვავე პრობლემები და ცხოვრების ყველა სფეროში ქალთა უფრო სრული მონაწილეობისთვის საჭირო გზები.
ორგანიზატორთა განცხადებით, კონფერენციაზე მოხვდება კონკრეტული ზომების წარდგენა, რომელიც გააძლიერებს პარლამენტების მგრძნობელობას გენდერულ საკითხებზე.
გარკვეული პროგრესის მიუხედავად, აღმოსავლეთ ევროპისა და ცენტრალური აზიის პარლამენტებში ქალთა წარმომადგენლობასთან დაკავშირებული საკითხები კვლავაც აქტუალურია. რეგიონების პარლამენტებში ქალთა წარმომადგენლობა საშუალოდ არ აღემატება 20% -ს, ადგილობრივ ხელისუფლებაში კი – 15%-ს. ამ ინდიკატორების მნიშვნელოვანი ზრდა პრიორიტეტული უნდა იყოს რეგიონების ქვეყნებისათვის და წინაპირობა გახდეს 2030 წლამდე გლობალური დღის წესრიგის განხორციელებისათვის.
კონფერენციაზე დაგეგმილია ახალი გეგმებისა და ერთობლივი წინადადებების შემუშავება, რომელიც ქალთა პოლიტიკური მონაწილეობის გაზრდისკენ და გენდერული თანასწორობის წახალისებისკენ იქნება მიმართული რეგიონში.
კონფერენციაში მონაწილეობა მიიღო საქართველოს დელეგაციამ შემდეგი შემადგენლობით: პარლამენტის დეპუტატები– თინითინ ბოკუჩავა და დიმიტრი ცქიტიშვილი; გაეროს განვითარების პროგრამის წარმომადგენელი საქართველოში – მაკა მეშველიანმა და არასამთავრობო ორგანიზაციის ქალთა საინფორმაციო ცენტრის დირექტორი– ელენე რუსეცკაია.
აღმოსავლეთ ევროპისა და ცენტრალური აზიის რეგიონალური კონფერენცია ორგანიზებულია ეუთო-ს/ დემოკრატიული ინსტიტუტებისა და ადამიანის უფლებების ოფისის, UNDP- ის და მოლდავეთში შვედეთის საელჩოს მხარდაჭერით.
|