კატეგორია: გენდერი კავკასიაში 
2018-03-07
წელს ქალთა საერთაშორისო დღის, 8 მარტის თემაა– „დრო მოვიდა: აქტივისტები ქალთა ცხოვრების შესაცვლელად“ .
ქალთა საერთაშორისო დღე ქალთა უფლებების, თანასწორობისა და სამართლიანობისთვის მიძღვნილი უპრეცედენტო გლობალური მოძრაობის პარალელურად აღინიშნება. ქალთა მიმართ ძალადობა, დისკრიმინაცია და სექსუალური შევიწროვება პრესის ყურადღებისა და საჯარო დისკურსის საგანი გახდა, რაც ცვლილების განხორციელების მზარდი სურვილით არის გამოწვეული.
ამ დღესთან დაკავშირებით გთავაზობთ მოკლემეტრაჟიან ფილმს „სხვების მიერ შექმნილი შენ", რომელიც მიეძღვნა გენდერული სტერეოტიპების გავლენას ქალების ყოველდღიურ ცხოვრებაზე საქართველოში.
ფილმის ავტორი და რეჟისიორი ეკატერინე თაბაგარია, რომელმაც II ადგილი მოიპოვა ქალთა საინფორმაციო ცენტრის ინიციატივითა და კოალიცია ,,განათლება ყველასათვის- საქართველოს’’ მხარდაჭერით გამოცხადებულ კონკურსში.
კონკურსი ქალთა უფლებებისა და გენდერული თანასწორობის საკითხებზე საზოგადოების ცნობიერების ამაღლებას, თემების აქტუალიზაციას ისახავდა მიზნად.
2017 წლის 26 დეკემბერს, სასტუმრო რუმსში კოალიცია ,,განათლება ყველასათვის - საქართველოს’’ მიერ ორგანიზებულ ღონისძიებაზე გაიმართა კონკურსანტების დაჯილდოვება.
კონკურსი ჩატარდა ქალთა საინფორმაციო ცენტრის ინიციატივითა და კოალიცია ,,განათლება ყველასათვის- საქართველოს’’ ფინანსური მხარდაჭერით.
|
