კატეგორია: ეს საინტერესოა 
2018-03-12
სათამაშოების კომპანია Mattel- მა, რომელიც ცნობილია როგორც თოჯინა Barbie-ს მწარმოებელი, ქალთა საერთაშორისო დღესთან დაკავშირებით გამოუშვა თოჯინების ახალი კოლექცია ""შთამაგონებელი ქალები".
Mattel-ის წარმომადგენლებმა აღნიშნეს, რომ აშშ-ში "დედების 86% შეწუხებულია იმით, თუ რა მაგალითებზე იზრდებიან მათი ქალიშვილები“. ეს მონაცემები მიღებული იქნა სოციოლოგიური ინტერნეტ კვლევის შედეგად, რომელიც მიმდინარე წელს ჩატარდა. გამოკითხვაში მონაწილეობა მიიღო რამდენიმე ათასმა ამერიკელმა ქალმა.
ახალ კოლექციაში შევიდა 14 თოჯინა. მათი პროტოტიპები გახდა ისეთი გამოჩენილი ქალები, როგორიცაა: პირველი ქალი პილოტი- ამელია ერჰარტი, NASA-ს მათემატიკოსი -კატრინ ჯონსონი, მექსიკელი მხატვარი -ფრიდა კალო, ოლიმპიური ჩემპიონი - ქლოე კიმი, ჟურნალისტი- მარტინა ვოიჩოვსკა, შეფ-მზარეული-ელენ დაროზი, რეჟისორი- პეტი ჯენკინსი, პრიმაბალერინა- იან-იან ტანი, ფეხბურთელი - სარა გამა, მოკრივე - ნიკოლა ადამს ობე და სხვა.
თოჯინებს ერთვის მასალა, რომელიც ბავშვებს ქალების მიღწევების შესახებ უამბობს.
საინტერესოა, რომ ფრიდა კალოს ნათესავმა, მარა რომეომ, დაადანაშაულა სათამაშოების მწარმოებელი მხატვრის გამოსახულების უკანონო გამოყენებაში. რომეო აცხადებს, რომ კომპანიამ დაამახინჯა კალოს გარეგნობა და არასწორად ასახა ღირებულებები, რომლებსაც იცავდა მხატვარი. "მე მომეწონებოდა თოჯინა იმ შემთხვევაში, თუ ის ფრიდას უფრო მეტად დაემსგავსებოდა," - ამბობს რომეო. მისი თქმით, Barbie Frida-ს მექსიკური ტრადიციული კაბაც კი არ აცვია, თუმცა მხატვარი ხშირად ატარებდა მას.
Mattel-მა, თავის მხრივ, განაცხადა, რომ თოჯინა შემუშავდა Frida Kahlo Corporation- თან თანამშრომლობით, რომელსაც აქვს საავტორო უფლებები მხატვრის გარეგნობაზე.
|
 |
