კატეგორია: სპორტი 
2018-03-26
ბრიტანელმა პედაგოგმა, კიკო მეთიუსმა (Kiko Matthews), რომელსაც 2009 წელს იშვიათი ენდოკრინული დაავადება (იცენკო-კუშინგის დაავადება) აღმოუჩინეს, მარტომ გადაცურა ატლანტის ოკეანე ნავით და სისწრაფეში მსოფლიო რეკორდი დაამყარა.
თავის მოგზაურობა, კიკო მეთიუსმა 31 იანვარს, კანარის კუნძულებიდან დაიწყო. 50 დღის განმავლობაში, 36 წლის მეთიუსმა 5.5 ათასი კილომეტრი გადალახა და ბარბადოს მიაღწია. ეს 6 დღით უფრო სწრაფია, ვიდრე ქალებს შორის წინა მსოფლიო რეკორდი, რომელიც 2002 წელს ფრანგმა ანა კემერემ (Anne Quéméré) დაამყარა. აღსანიშნავია, რომ მანამდე მეთიუს არასდროს ჰქონია ასეთი მცდელობა და პირველად იჯდა ნავში.
მოგზაურობის მიზანი თავისი საქველმოქმედო ორგანიზაციისადმი ყურადღების მიპყროდა იყო. კიკო მეთიუსმა შესძლო შეეგროვებინა 70 ათასზე მეტი ფუნტი სტერლინგი. შემოწირულობები წავა ლონდონის სამეფო კოლეჯის საავადმყოფოში ახალი რეანიმაციული განყოფილების მშენებლობაზე.
2009 წელს კიკო მეთიუსს იცენკო-კუშინგის დაავადება აღმოუჩინეს. 2017 წელს კი მას სიმსივნე დაუდგინეს და ლონდონის სამეფო კოლეჯის საავადმყოფოში ორი მძიმე ოპერაცია ჩაუტარდა. ამ სირთულეების გადალახვის შემდეგ მეტიუსი სამსახურიდან წავიდა და საქველმოქმედო ფონდი დააფუძნა.
"რვა თვის წინ მე საავადმყოფოში ვიწექი, სადაც ოპერაცია ჩამიტარდა ტვინზე, ახლა კი აქ ვარ და ატლანტის ოკეანეში მივცურავ. მე ვამაყობ ჩემით." - თქვა მეთიუსმა. |
