ბრიტანეთის სამართალდამცავ ორგანოებში 2014 –დან 2016 წლამდე იძულებითი ქორწინების შესახებ 3,500-ზე მეტი შეტყობინება იქნა მიღებული. თუმცა ქალთა ორგანიზაციები აცხადებენ, რომ ეს მხოლოდ აისბერგის წვერია. ამის შესახებ ინფორმაციას Guardian–ი ავრცელებს.
არასამთავრობო ორგანიზაციები მონაცემებზე დაყრდნობით აცხადებენ, რომ კიდევ ათასობით ადამიანი სექსუალური მონობის მსხვერპლია დიდი ბრიტანეთში.
როგორც გამოცემა წერს, იძულებითი ქორწინების სტატისტიკა ბრიტანეთში "შოკისმომგვრელ მასშტაბებს აჩვენებს".
იმავე პერიოდის განმავლობაში, არასამთავრობო ორგანიზაციების "ცხელ ხაზზე" იძულებით ქორწინების შესახებ 22,030 შეტყობინება იყო შემოსული. ორგანიზაციის "კარმა ნირვანა"–ს მონაცემებით, მხოლოდ 2017 წელს 8 ათასზე მეტმა ადამიანმა მიმართა მათ დახმარებისთვის, საიდან 200 ზარი განახორციელეს 15 წლამდე არასრულწლოვანებმა, 8 ზარი კი 10 წლამდე ასაკის ბავშვებმა.
2017 წელს დიდი ბრიტანეთის იძულებითი ქორწინების წინააღმდეგ ბრძოლის დანაყოფის წევრებმა 1,2 ათასს ადამიანს დაეხმარა ამ პრობლემის გადაწყვეტაში. ექსპერტები და აქტივისტები აღნიშნავენ, რომ ასეთი შემთხვევების გამოძიება რთულ პროცესს წარმოადგენს, რადგან დაზარალებულები, როგორც წესი, თავს იკავებენ ჩვენებების მიცემისგან.
