კატეგორია: სპორტი 2018-06-28
აშშ-ის ჩოგბურთის ასოციაციამ შემოიღო ახალი წესები ჩოგბურთელებისთვის, რომლებიც დეკრეტულ შვებულებიდან ბრუნდებიან.
დებატების შემდეგ, გადაწყდა, რომ სერენა უილიამსს უიმბლდონზე განთესვის 25-ე ნომერი ექნება, მიუხედავად იმისა, რომ დღეს ის 183-ე ადგილზეა მსოფლიოში. აშშ– ჩოგბურთის ასოციაციამ გადაწყვიტა, რომ მოთამაშეს შეუძლია შეინარჩუნოს თავისი პოზიციები დეკრეტულ შვებულებიდან დაბრუნების შემდეგ. როგორც ცნობილია, 2017 წელს უილიამსი დედა გახდა. მან ერთი სეზონი თითქმის მთლიანად გამოტოვა და კარიერა მხოლოდ 2018 წლის მარტში განაახლა. უილიამსმა თავისი 23–ე “დიდი სლემი” ორსულობის დროს მოიგო და დეკრეტულ შვებულებაში წავიდა მაშინ, როცა მსოფლიოში პირველ ადგილს იკავებდა.
როგორც ჩოგბურთელმა განაცხადა, ის ძალიან კმაყოფილია ამ გადაწყვეტილებით, რადგან ეს სხვა ჩოგბურთელებს მისცემს შესაძლებლობას იფიქრონ შვილების გაჩენაზე.
უიმბლდონის ქალთა ტურნირზე WTA-ის რეიტინგის ლიდერებმა განთესვის ის ნომრები მიიღეს, რომელიც კლასიფიკაციაში მათ მიერ დაკავებულ ადგილებს ემთხვევა.
ტურნირის პირველი ნომერი იქნება რუმინელი სიმონა ჰალეპი. TOP8-ში ასევე შედიან: კაროლინ ვოზნიაცკი (დანია), გარბინ მუგურუსა (ესპანეთი), სლოან სტივენსი (აშშ), ელინა სვიტოლინა (უკრაინა), კაროლინ გარსია (საფრანგეთი), კარლინა პლიშკოვა (ჩეხეთი), პეტრა კვიტოვა (ჩეხეთი).
ცნობილია, რომ უიმბლდონი “დიდი სლემის” ტურნირებს შორის ერთადერთია, სადაც განთესვა ხდება არა მხოლოდ WTA-ის რეიტინგის, არამედ ბალახის კორტებზე ნაჩვენები შედეგების მიხედვით. ამიტომაც მოხვდა 32 განთესილს შორის ამერიკელი სერენა უილიამსი.
|