კატეგორია: გენდერული ძალადობა 
2018-07-03
სექსუალურ შევიწროვებასა და გაუპატიურებაში ბრალდებული, ჰარვი ვაინშტაინი სულ მალე შესაძლოა გისოსებს მიღმა სამუდამოდ აღმოჩნდეს.
როგორც BBC-ი წერს, ერთ დროს ჰოლივუდის ყველაზე გავლენიან პროდიუსერს პროკურორმა 3 ახალი ბრალდება წაუყენა და სამივე მათგანში გაუპატიურება ფიგურირებს.
ეს არის ნიუ– იორკის შტატის სისხლის სამართლის კოდექსის ერთ-ერთი ყველაზე სერიოზული მუხლი, რომელიც მინიმუმ 10 წლით თავისუფლების აღკვეთას, მაქსიმუმ კი სამუდამო პატუმრობას ითვალისწინებს.
ვაინშტაინის წინააღმდეგ ბრალდება ახალი სავარაუდო მსხვერპლის მიერ არის წაყენებული, რომლის ვინაობაც ცნობილი არ არის. შემთხვევა 2006 წელს მოხდა, დანარჩენი ორი კი 2004 და 2013 წლებში.
ჰარვი ვაინშტაინი ბრალს არ აღიარებს. მანჰეტენის სასამართლომ 1 მილიონიანი გირაოს სანაცვლოდ ბრალდებულის გათავისუფლება დაამტკიცა. გარდა ამისა, სასამართლოს გადაწყვეტილებით, ვაინშტეინს მოეთხოვება ელექტრონული სამაჯურის ტარება მისი გადაადგილების დასაფიქსირებლად.
|
