კატეგორია: გენდერული ძალადობა 
2018-07-20
11 წლის გოგონა ინდოეთის ქალაქ ჩენაიდან ექვსი თვის განმავლობაში გაუპატიურების მსხვერპლი იყო. ამის შესახებ იტყობინება CNN.
ადგილობრივი მედიის ცნობით, 17–ვე მოძალადე, რომელიც უსაფრთხოებისა და ტექნიკურ პერსონალს წარმოადგენდა, მუშაობდა შენობაში, სადაც გოგონა ცხოვრობდა. ამ დროისთვის ისინი დაპატიმრებულები არიან.
პირველი გაუპატიურება იანვრის შუა რიცხვებში მოხდა. გოგონა შეზღუდული შესაძლებლობების მქონე პირია და მას სმენის პრობლემები აქვს. როგორც პოლიცია ვარაუდობს მას ნარკოტიკულ საშუალებებს აძლევდნენ, ძალადობა კი შენობის სარდაფში ხდებოდა. ერთ-ერთი ბრალდებული დაზარალებულს სიკვდილით ემუქრებოდა და აიძულებდა არავისთვის არ ეთქვა მომხდარზე.
ძალადობის შესახებ გოგონამ თავისი ოჯახის წევრებს მხოლოდ ივლისში მოუყვა და მათ პოლიცია გამოიძახეს. გოგონამ გამოიცნო ყველა მოძალადე, თუმცა ოთხი მათგანი არ აღიარებს დანაშაულს.
დაკავებულ მამაკაცთა ასაკი 20-დან 70 წლამდეა.
ეს საშინელი ძალადობის უკანასკნელი შემთხვევაა, რომელიც შოკში ჩააგდო ინდოეთის მოსახლეობა.
|
