Категория: Гендер в мире 
2018-10-12
უკრაინის პრეზიდენტმა პეტრე პოროშენკომ ხელი მოაწერა კანონს "უკრაინის სამხედრო სამსახურში ქალთა და კაცთა თანაბარი უფლებებისა და შესაძლებლობების უზრუნველსაყოფად უკრაინის შესაბამის კანონებში ცვლილებების შეტანის თაობაზე“, რომლის მიხედვითაც სამხედრო სამსახურში კაცებს და ქალებს ენიჭებათ თანაბარი უფლებები და შესაძლებლობები.
პოროშენკოს განცხადებით, დღეს უკრაინის შეიარაღებული ძალების რიგებში 55 ათასზე მეტი ქალია, საიდანაც 25 ათასი სამხედრო მოსამსახურეა.
პრეზიდენტის პრეს-სამსახურის თანახმად, კანონის განხორციელება დაეხმარება ქალი-სამხედროების სამართლებრივი დაცვის დონის და ასევე სამხედრო სამსახურში ქალთა რაოდენობის გაზრდას, კერძოდ, ჯარში გადაწყვეტილების მიმღებ პოზიციებზე ქალების დაწინაურებას.
კანონის თანახმად, ახლა უკრაინელი ქალები კაცებთან ერთად თანაბარ პირობებში გაივლიან სამხედრო სამსახურს და ექნებათ იგივე ხელმისაწვდომობა როგორც სამხედრო წოდებებზე, ასევე სხვადასხვა თანამდებობებზე.
|
