Category: Gender in the world 
2019-01-28
საფრანგეთის გენდერული თანასწორობის უმაღლესმა საბჭომ გამოაქვეყნა ანგარიში, რომელშიც მოუწოდებს საზოგადოებას გამოუცხადოს ბრძოლა ქალების შეურაცხყოფასა და სექსისტურ იუმორს. ამის შესახებ ინფორმაციას Causeur-ი ავრცელებს.
ანგარიშის ავტორები აცხადებენ, რომ საფრანგეთში იუმორისტული საიტები და სატელევიზიო შოუები სექსისტური ხუმრობების მეშვეობით "ქალთა მიმართ ძალადობის კულტურის პოპულარიზაციას უწყობენ ხელს". როგორც გაზეთი აღნიშნავს, ანგარიშის გამოქვეყნება, სავარაუდოდ, გახდება პირველი ნაბიჯი ამ სფეროში კანონმდებლობის შექმნისთვის.
ეს არის გენდერული თანასწორობის უმაღლესი საბჭოს პირველი ანგარიში, რომელიც ეხება სექსიზმს საფრანგეთში.
"არსებობს პირდაპირი კავშირი სექსისტურ ხუმრობებსა და ქალთა მიმართ ძალადობას შორის", - განაცხადა საბჭოს ხელმძღვანელმა, დენიელ ბიუსკეტმა.
როგორც აღნიშნულია ანგარიშში, საფრანგეთში პოპულარული იუმორისტული ვებ-გვერდის Blague.info, ისევე, როგორც დილის იუმორისტული რადიო გადაცემების RTL და France Inter-ის ხუმრობების უმეტესობა სექსისტურია. ცნობილი ფრანგი ვიდეო ბლოგერები სიპრიენი და ნორმანი 6 ხუმრობიდან 5-ში ქალებს დასცინიან.
ანგარიშის ავტორებს მაგალითად ერთ-ერთი Blague.info-ს ხუმრობა მოჰყავთ: "როგორ მივცეთ ქალს მეტი თავისუფლება?... მისი სამზარეულო უნდა გავაფართოვოდ".
გაზეთის ცნობით, ანგარიშის ავტორები მოუწოდებენ ხელისუფლებას რეაგირებისკენ, ამ მავნე იდეოლოგიასთან ბრძოლისკენ და სამოქმედო გეგმის შექმნისკენ.
"როგორც ჩანს, ეს ანგარიში არის მონახაზი, რომლის საფუძველზეც მალე კანონპროექტი შემუშავდება", - წერს Causeur.
ანგარიშის თანახმად, 2017 წელს, საფრანგეთში 1.2 მილიონი ქალი გახდა "სექსისტური შეურაცხყოფის" მსხვერპლი.
|
