კატეგორია: მოვლენები 
2019-01-30
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილის, თამილა ბარკალაიას თქმით, 4 წლის გოგოს გარდაცვალების საქმესთან დაკავშირებით, ორი უფროსი სოციალური მუშაკის და ორი სოციალური მუშაკის პასუხისმგებლობა გამოიკვეთა. ამის შესახებ მან სამინისტროში გამართულ პრესკონფერენციაზე თქვა. ინფორმაციას imedinews.ge-ი ავრცელებს.
ბარკალაიას თქმით, შიდა მოკვლევის შედეგად, ისინი დაკავებული თანამდებობიდან გაათავისუფლეს.
"4 წლის ბავშვის გარდაცვალების საქმეზე მიმდინარეობდა შიდა მოკვლევა სამინისტროს შიდა აუდიტის დეპარტამენტის მიერ და ეს მოკვლევა დასრულებულია, რის შედეგადაც გამოიკვეთა იმ ორი უფროსი სოციალური მუშაკის და ორი სოციალური მუშაკის პასუხილმგებლობა, რომლებსაც უშუალოდ ევალებოდათ ბავშვის საქმის მართვა. აღნიშნული სოც. მუშაკები დღეიდან გათავისუფლებული არიან დაკავებული თანამდებობებიდან. ჩვენ, როგორც დამსაქმებლებმა, ისინი თანამდებობიდან გავათავისუფლეთ და შესაბამისი მასალები შესაბამის უწყებებს მივაწოდეთ დამატებითი რეაგირებისთვის", - განაცხადა თამარ ბარკალაიამ.
"თითოეული ჩვენთაგანი ვგრძნობთ ჩვენ წილ პასუხისმგებლობას, მათ შორის მეც, მათ შორის მინისტრიც",- განაცხადა თამარ ბარკალაიამ
4 წლის გოგო საკუთარ სახლში 22 იანვარს იპოვეს. პოლიციამ იმავე დღეს მისი დედა შემაკავებელი ორდერის პირობების დარღვევის გამო დააკავა. მას სასამართლომ წინასწარი პატიმრობა შეუფარდა. ამასთან, გამოძიება არ გამორიცხავს, რომ საქმის მიმდინარეობის პროცესში ქალს ბრალი დაუმძიმდეს.
|
