კატეგორია: გენდერი მსოფლიოში 
2019-02-25
საუდის არაბეთის მეფემ, სალმან ბინ აბდელ აზიზ ალ საუდიმ, პრინცესა რიმა ბინტ ბანდარ ბინ სულტანი, აშშ-ში ელჩის თანამდებობაზე დანიშნა. ინფორმაციას, სამეფოს ბრძანებაზე დაყრდნობით, სააგენტო Reuters-ი ავრცელებს.
პრინცესა რიმა პრინც ბანდარის ქალიშვილია, რომელიც 1983-დან 2005 წლამდე ვაშინგტონში საუდის არაბეთის დიპლომატიური მისიის ხელმძღვანელი იყო. პრინცესამ უმაღლესი განათლება აშშ-ში ისტორიული მემკვიდრეობის დაცვის სფეროში მიიღო. 2014 წელს, პრინცესა ჟურნალ Forbes- ის მონაცემებით, არაბულ სამყაროში 200 ყველაზე გავლენიან ქალთა სიაში შევიდა. აშშ-ში ელჩად დანიშვნამდე ის სპორტის გენერალური ფედერაციის ხელმძღვანელის წარმომადგენლად მუშაობდა, სადაც სპორტში ქალთა მონაწილეობის და გაძლიერების მიმართულებას უჭერდა მხარს.
მანამდე, საუდის არაბეთის მეფემ აშშ-ში ელჩის თანამდებობიდან თავისი ვაჟი, ხალედ ბენ სალმანი გაათავისუფლა და თავდაცვის მინისტრის მოადგილედ დანიშნა.
|
 |
