კატეგორია: გენდერი მსოფლიოში 
2019-03-06
„რეფორმების პარტიის“ თავმჯდომარე და გაერთიანების ლიდერი კაია კალასი ესტონეთის პირველი ქალი პრემიერ-მინისტრი გახდება.
41 წლის კალასი განათლებით იურისტია და 1999 წელს ტარტუს უნივერსიტეტის იურიდიული ფაკულტეტი დაამთავრა. 2010 წლიდან ის „რეფორმების პარტიის“ წევრი გახდა. 2011 წელს, კალასი ქვეყნის პარლამენტში აირჩიეს. 2014 წელს კი ის არჩეული იყო ევროპარლამენტში.
2017 წლის დეკემბერში, კაია კალასი „რეფორმების პარტიის“ თავმჯდომარედ აირჩიეს.
შეგახსენებთ, რომ ესტონეთის საპარლამენტო არჩევნებში ოპოზიციურმა მემარჯვენე-ცენტრისტულმა "რეფორმების პარტიამ" ხმების 29 პროცენტი მოიპოვა და 101 ადგილიან საკანონმდებლო ორგანოში 34 მანდატს დაიკავებს. საარჩევნო კომისიის მონაცემებით, მმართველ ცენტრისტულ პარტიას ხმა მისცა კენჭისყრაში მონაწილეთა 23%-მა.
ესტონეთის კანონმდებლობის თანახმად, მთავრობის ფორმირების უფლება არჩევნებში პირველ ადგილზე გასულ პარტიას ეძლევა.
აღსანიშნავია, რომ ესტონეთის პარლამენტის 101 მანდატისთვის 1099 კანდიდატი იბრძოდა 10 პოლიტიკური პარტიიდან.
ესტონეთს ასევე პირველი ქალი პრეზიდენტი ჰყავს. 46 წლის კერსტი კალჯულეიდი, 2016 წელს, პარლამენტის (რიიგიკოგუს) გადაწყვეტილებით იქნა არჩეული ესტონეთის პრეზიდენტად.
|
