კატეგორია: ექსკლუზივი 
2019-03-12
2018 წლის 11 თებერვალს, იმერეთის რეგიონში, კერძოდ ქუთაისის მუნიციპალიტეტში გაიმართა საკონსულტაციო შეხვედრა, რომლებიც ეხებოდა გაეროს უშიშროების რეზოლუცია 1325 ეროვნული სამოქმედო გეგმის (NAP) განხორციელებას ადგილობრივ დონეზე.
შეხვედრა ჩატარდა კოალიციური პროექტის: „ქალები და გოგონები ძლიერი საზოგადოებისთვის“ ფარგლებში, გაეროს ქალთა ორგანიზაციისა და აშშ სახელმწიფო დეპარტამენტის ინიციატივით, კულტურულ-ჰუმანიტარული ფონდი „სოხუმი“-ს ორგანიზებით, ქალაქ ქუთაისში.
ქუთაისის სამოქალაქო საზოგადოების ორგანიზაციების წარმომადგენლები იმერეთის რეგიონში მცხოვრები იძულებით გადაადგილებული და კონფლიქტის შედეგად დაზარალებული ქალების გამოწვევებზე, საჭიროებებზე და ამ პრომლემების გადაჭრის გზებზე ისაუბრეს.
პროექტის შესახებ:
არასამთავრობო ორგანიზაციების კოალიცია იგპ ქალთა ასოციაცია „თანხმობა“ -ს, ქალთა საინფორმაციო ცენტრისა და კულტურულ-ჰუმანიტარული ფონდი „სოხუმი“-ს კოოპერირებით, 2018 წლის ნოემბერში დაიწყო პროექტის: „ქალები და გოგონები ძლიერი საზოგადოებისთვის“ განხორციელება.
პროექტი ხორციელდება საქართველოს 10 მუნიციპალიტეტში: გორი, კასპი, ხაშური, ქარელი, დუშეთი, ზუგდიდი, წალენჯიხა, საჩხერე, სტეფანწმინდა და წყალტუბო. პროექტის შედეგად მოხდება კონფლიქტის შედეგად დაზარალებული ქალებისა და გოგონების რეალური საჭიროებების გათვალისწინება მუნიციპალურ გენდერული თანასწორობის გეგმებში, ერთობლივი მუშაობა ამ გეგმების რეალიზაციაზე.
პროექტი აგრძელებს იმ სამუშაოს, რომელიც დაწყებულია ათივე მუნიციპალიტეტში, გენდერული თანასწორობის არსებული/შექმნილი ინსტიტუციური მექანიზმის დახვეწის, გენდერული საბჭოების გაძლიერების კუთხით და მიმართულია სამოქალაქო საზოგადოების, კონფლიქტის შედეგად დაზარალებული/დევნილი ქალებისა და ახალგაზრდების ჩართვისკენ ამ საბჭოების მუშაობაში. პროექტი დაფინანსებულია აშშ სახელმწიფო დეპარტამენტის და გაეროს ქალთა ორგანიზაციის მიერ და ხორციელდება გაეროს ქალთა ორგანიზაციის მონაწილეობითა და მხარდაჭერით.
|
