კატეგორია: გენდერი მსოფლიოში 
2019-03-13
მანილაში ფილიპინების პრეზიდენტი როდრიგო დუტერტე, რომელიც ცნობილია მისი სექსისტური და მიზოგინური გამონათქვამებით, ქალი სამართალდამცავების პატივსაცემად გამართულ ცერემონიაზე სიტყვით გამოვიდა .
შეხვედრაზე, რომელზეც ქალი პოლიციელები და სამხედრო მოსამსახურეები შეიკრიბნენ, დუტერტემ თავის გამოსვლაში მათ „პუტა“ („ძუკნები“) და "არანორმალურები" უწოდა, ასევე იმედი გამოთქვა, რომ ეს სიტყვები მის კრიტიკოსებს ქალთა მოძრაობიდან "სასოწარკვეთილებას" მოუტანს.
"„პუტა“, თქვენ სიტყვის თავისუფლებას მართმევთ ... ყველა ჩემს სიტყვას აკრიტიკებთ, მაგრამ ეს ჩემი გამოხატვის თავისუფლებაა", - განაცხადა მან.
გარდა ამისა, მან ასევე განაცხადა, რომ ქალებმა თავი შორს უნდა დაიკავონ მღვდლებისგან, წინააღმდეგ შემთხვევაში ისინი შეიძლება სექსუალური ძალადობისა ან შევიწროვების მსხვერპლნი გახდნენ მათი მხრიდან.
"მათ შეუძლიათ სექსუალური ძალადობა განახორციელონ თქვენს მიმართ. იცით რატომ? იმიტომ, რომ კაცები არიან"- განაცხადა დუტერტემ.
მანამდე, ფილიპინების პრეზიდენტმა, როდრიგო დუტერტემ, რომელსაც საერთაშორისო საზოგადოება ადამიანის უფლებების დარღვევაში ადანაშაულებს, ჯარისკაცებს უბრძანა ქალ დემონსტრანტებისთვის ესროლა პირდაპირ სასქესო ორგანოებში, რადგან მათ გარეშე ისინი „უსარგებლოები გახდებიან“.
8 მარტს, მანილას ქუჩებში ასობით ქალმა საპროტესტო მსვლელობა მოაწყო და პრეზიდენტ როდრიგო დუტერტეს გადადგომა მოითხოვა.
|
