კატეგორია: გენდერი მსოფლიოში 
2019-03-22
არაბთა გაერთიანებულ საემიროებში, პირველად, მოსამართლეებად ქალები დაინიშნენ. ამ ბრძანებას ხელი ქვეყნის პრეზიდენტმა, შეიხ ხალიფა ბინ საიდ ალ ნაჰაიანმა მოაწერა.
ამიერიდან, ფედერალურ სასამართლო სისტემაში, რომელიც მხოლოდ კაცებით იყო დაკომპლექტებული, მუშაობას ორი ქალი მოსამართლე შეძლებს.
ერთ-ერთი მათგანი სააპელაციო სასამართლოში, ხოლო მეორე სასამორთლოს პირველ ინსტანციაში იმუშავებს.
ადგილობრივი მედიის თანახმად, გადაწყვეტილება ასახავს მთავრობის პოზიციას, რომელიც ცდილობს უზრუნველყოს ქალების წარმომადგენლობა სხვადასხვა სფეროში და მათი „როლის გაზრდა ქვეყნის განვითარებასა და პროგრესში".
მანამდე, პრეზიდენტმა უკვე გამოაცხადა თავისი გადაწყვეტილება, რომლის თანახმად მომავალი მოწვევის ფედერალურ ეროვნულ საბჭოში ქალ დეპუტატთა წარმომადგენლობა 50%-მდე გაიზრდება.
|
