3 წელია, რაც მომღერალმა ალიშა კისმა წამოიწყო სოციალური კამპანია #NoMakeUp და დღემდე მისი ხელშეწყობითაა დაკავებული. მისი აზრით კამპანია ეხმარება ადამიანებს მიიღონ საკუთარი თავი ისეთი, როგორებიც სინამდვილეში არიან.
ერთ-ერთ გამომცემლობასთან ინტერვიუში ალიშამ განაცხადა, რომ თანამედროვე ადამიანები ზედმეტ ყურადღებას უთმობენ სხვის აზრს და შედეგად საკუთარ თავს ნორმალურად ცხოვრებისა და განვითარების უფლებას არ აძლევენ. მაკიაჟზე უარის თქმა კი პირველი ნაბიჯია საკუთარ თავთან ჰარმონიის პოვნის გზაზე. ვარსკვლავი დარწმუნებულია, რომ მხოლოდ ასე შეიძლება ჭეშმარიტი ბედნიერებისა და თავისუფლების მოპოვება. „ადრე მეშინოდა, რომ ტონალურისა და პომადის გარეშე გადამიღებდნენ. მაგრამ დავიღალე საკუთარი თავის დამალვით“, - განაცხადა მომღერალმა.
წელს კამპანია კიდევ უფრო გაძლიერდა და მასში სხვა ცნობილი სახეები ჩაერთვნენ.
ამდენად, ბრიტანელმა მომღერალმა ჯეს გლაინმა Brit Awards-ზე გამოსვლის დროს მაკიაჟი მოიშორა და სიმღერა "ხუთშაბათი" შეასრულა, რომელიც ბუნებრივ სილამაზეს ეძღვნება. "არ შეიცვალო არავისთვის!" - მოუწოდა გლინმა მსმენელებს სცენიდან.
ბრიტანული ავიაკომპანია Virgin Atlantic, რომელიც ამ დრომდე მკაცრი დრესკოდით იყო ცნობილი და არ შეუცვლია ისინი 1984 წლიდან, ქალ ბორტგამცილებლებს არჩევანის თავისუფლება მისცა. მათ მაკიაჟისა და ქვედაკაბის ტარების ვალდებულება აღარ ექნებათ და სამსახურში საკუთარი არჩევანის თავისუფლად გამოხატვას ჩაცმულობითაც შეძლებენ.
სამხრეთ კორეაში უნივერსიტეტის სტუდენტმა ხელი შეუწყო დებატების ინსპირირებას, რომელიც ქვეყანაში გაბატონებულ ყოველდღიურ სექსიზმს ეხებოდა.
ინიციატივა მზარდი მოძრაობის ნაწილი გახდა. გოგონებმა დაიწყეს ფოტოების გამოქვეყნება, თუ როგორ იშორებენ მაკიაჟს და აგდებენ სანაგვეზე კოსმეტიკას. ფლეშმობი გადაიქცა მოძრაობად, რომელსაც "კორსეტის გარეშე" ეწოდება და რომლის მთავარი მიზანია ბუნებრივი სილამაზის სტანდარტების დამყარება. შეგახსენებთ, რომ სამხრეთ კორეა ერთ სულ მოსახლეზე პლასტიკური ოპერაციების რაოდენობით პირველ ადგილს იკავებს მსოფლიოში. ზოგიერთი წყაროს თანახმად, ქვეყანაში მცხოვრებ 19-დან 29 წლამდე ყოველ მესამე ქალს პლასტიკური ოპერაცია აქვ გაკეთებული.
