კატეგორია: გენდერი მსოფლიოში 
2019-04-11
66-წლიანი აკრძალვის შემდეგ სამხრეთ კორეაში აბორტი ლეგალური გახდება. ქვეყნის საკონსტიტუციო სასამართლომ დაადგინა, რომ 1953 წელს მიღებული კანონი არაკონსტიტუციურია და ის 2020 ბოლოსთვის უნდა გადაიხედოს.
სასამართლოს გადაწყვეტილებით, არაკონსტიტუციურად ასევე გამოცხადებულია აბორტის გაკეთებისთვის ექიმების პასუხისგებაში მიცემა. ინფორმაციას Reuters-ი ავრცელებს.
ამჟამინდელი კანონის მიხედვით, აბორტის შემთხვევაში ქალებს აჯარიმებენ ან აპატიმრებენ. გამონაკლისია აბორტი გაუპატიურების, ინცესტის ან ჯანმრთელობის გაუარესების შემთხვევაში. ექიმებს, კი რომლებიც პროცედურას ატარებენ, პატიმრობა ელოდებათ.
სამხრეთ კორეა იმ განვითარებული ქვეყნების მცირე ნაწილს მიეკუთვნება, სადაც აბორტი კრიმინალიზირებულია. კანონს მას შემდეგ გადახედეს, რაც ექიმი 70 აბორტის გაკეთებისთვის მისცეს პასუხისგებაში. ის ამბობდა, რომ აბორტის აკრძალვა ქალებს საფრთხეში აგდებს.
|
