კატეგორია: გენდერი მსოფლიოში 
2019-04-12
პირველად არაბთა გაერთიანებულ საემიროებში ქალთა
სახანძრო ბრიგადა შეიქმნა. შარჯის სამოქალაქო თავდაცვის ხელმძღვანელის განცხადებით,
150-ზე მეტმა ქალმა შეიტანა განაცხადი ამ სამსახურში დასაქმებაზე, თუმცა შეირჩა
მხოლოდ 15.
ქალებმა გაიარეს ორწლიანი სასწავლო კურსები
სამოქალაქო თავდაცვისა და პოლიციის აკადემიაში, რომელიც ასევე პრაქტიკულ სწავლებას
შეიცავდა.
მეხანძრე ქალებს არაბთა გაერთიანებული საემიროების
პრინცი აბუ-დაბი მუჰამედ ბინ ზაი ალ ნახაიანი შეხვდა. მან განაცხადა, რომ
არაბთა გაერთიანებულ საემიროებში ქალები ყოველთვის ადასტურებენ თავიანთ ღირებულებას
ყველა ეროვნული ამოცანის შესრულების პროცესში რომელიც მათზეა დაკისრებული.
ამის შესახებ პრინცმა თავის twitter-ის გვერდზე დაწერა.
2019 წლის აპრილში ქვეყანაში, ასევე პირველად,
ქალები მოსამართლეებად დაინიშნენ. პრეზიდენტის გადაწყვეტილებით კი, მომავალი
მოწვევის ფედერალურ ეროვნულ საბჭოში ქალ დეპუტატთა წარმომადგენლობა 50%-მდე
გაიზრდება.
გადაწყვეტილებები ასახავს მთავრობის პოზიციას,
რომელიც ცდილობს უზრუნველყოს ქალების წარმომადგენლობა სხვადასხვა სფეროში და მათი
„როლის გაზრდა ქვეყნის განვითარებასა და პროგრესში".
|
