კატეგორია: ქალი და კულტურა 
2019-07-15
BBC America-ს ყოფილი პრეზიდენტი ენ სარნოფი გახდა კომპანია Warner Brothers-ის პირველი ქალი ხელმძღვანელი. ამ დონის პოსტზე ქალის დანიშვნა შემთხვევითი არ ყოფილა.
2019 წლის მარტში, სექსულურ შევიწროებასთან დაკავშირებული სკანდალის გამო, კომპანიის ყოფილი ხელმძღვანელი, კევინ ტსიუჯიხარა გადადგა. მიუხედავად იმისა, რომ ტსიუჯიხარა არ აღიარებდა დანაშაულს, კომპანიის რეპუტაცია სერიოზულად დაზარალდა.
ენ სარნოფის დაქვემდებარებაში 8,000-ზე მეტი თანამშრომელი იქნება მთელს მსოფლიოში.
სარნოფი სწავლობდა მარკეტინგს ჯორჯთაუნის უნივერსიტეტში და მიიღო მაგისტრის წოდება ჰარვარდის ბიზნეს სკოლაში. მას აქვს დიდი გამოცდილება მედია მენეჯმენტში და BBC America-ს გარდა, ის იკავებდა ხელმძღვანელის თანამდებობებს Nickelodeon- ში და VH1- ში.
BBC America-ში მოღვაწეობის დროს სარნოფმა მაყურებლების რაოდენობა 68-80 მილიონამდე გაზარდა. მისი ინიციატივით ეთერში გავიდა ახალი არხი „BBC Earth“-ი, პოპულარული სატელევიზიო შოუები და სერიალები, როგორიცაა: Top gear; სერიალები - „დოქტორი ვინ / Doctor Who“, „შერლოკი / Sherlock“ და „ევას მკვლელობისას / Killing Eve/“.
კოლეგებს შორის სარნოფმა ლიდერის რეპუტაცია მოიპოვა, რომელსაც შეუძლია კომპანიის მწვავე შიდა პრობლემების მოგვარება.
|
