სამეცნიერო სფეროში (STEM-სპეციალობები) კარიერულად წარმატებულ ქალთა რაოდენობა იმედგამაცრუებლად დაბალია. მიჩიგანის უნივერსიტეტის და Stem Cell Foundation - ის მიერ ჩატარებულმა კვლევამ აჩვენა, რომ სამეცნიერო ფაკულტეტებზე სტუდენტების 50%-ს ქალები შეადგენენ, თუმცა შემდგომში მხოლოდ ხუთიდან ერთი იკავებს წამყვან თანამდებობას ამ სფეროში.
კვლევის თანახმად, საშუალოდ, დაახლოებით 40% ქალს ასისტენტ პროფესორის, 30%-ს ასოცირებული პროფესორის და მხოლოდ 20%-ს პროფესორის სტატუსი აქვს.
ამის მთავარ მიზეზად სახელდება ის, რომ ქალებს კაცებთან შედარებით გავლენიანი პოზიციების დაკავებისას მხარს ნაკლებად უჭერენ. ასევე, ქალებს სამეცნიერო შეხვედრებზე სიტყვით გამოსვლას ნაკლებად სთხოვენ.
სხვა მიზეზებს შორის კი არის: სამსახურსა და პირად ცხოვრებას შორის დროის განაწილების ვალდებულება, კაცებთან შედარებით ნაკლები ანაზღაურება და კოლეგებთან კავშირების ნაკლებობა.
აღნიშნულის მიხედვით, ქალებს სასურველი პროფესიის მიტოვება შევიწროების, სტერეოტიპებისა თუ კაცებთან შედარებით ნაკლები ანაზღაურების გამო უწევთ. კვლევა აშშ – ი, ავსტრალიაში, ევროპის (სულ 38) ქვეყნების 541 უნივერსიტეტსა და კვლევით ინსტიტუტში ჩატარდა.
