კატეგორია: გენდერი მსოფლიოში ![](images/shortcut.gif) 2019-10-29
29-30 ოქტომბერს, ჟენევაში, შვეიცარიის საგარეო საქმეთა ფედერალური დეპარტამენტის სახელმწიფო მდივნის, პასკალ ბაერისვილის თავმჯდომარეობით, იმართება ორდღიანი რეგიონალური მიმოხილვის შეხვედრა „პეკინი + 25“, რომლის მუშაობაში 700-ზე მეტი დელეგატი ჩრდილოეთ ამერიკიდან, ევროპიდან, კავკასიასა და ცენტრალური აზიიდან ღებულობს მონაწილებას. შეხვედრის მონაწილეები განიხილავენ პეკინის დეკლარაციისა და მისი სამოქმედო პლატფორმის ვალდებულებების შესრულების პროგრესს.
![](http://www.ginsc.net/upload_files/news/full/5445jene98.jpg)
რეგიონალური მიმოხილვის შეხვედრა პეკინი +25, რომელიც ორგანიზებულია გაეროს ევროპის ეკონომიკური კომისიისა და გაეროს ქალთა ორგანიზაციის მიერ, მოიცავს რვა თემატურ სესიას. სესიებზე განიხილავენ იმ გამოწვევებს, რომლებიც გავლენას ახდენენ სამოქმედო პლატფორმის განხორციელებაზე, გენდერული თანასწორობისა და ქალთა გაძლიერების მიღწევაზე და მდგრადი განვითარების 2030 დღის წესრიგის სრულ რეალიზაციაზე.
ჟენევის შეხვედრაში მონაწილეობენ ქალთა საინფორმაციო ცენტრის წარმომადგენლები ელენა რუსეცკაია და ნათია კოსტავა. წელს ასოციაცია “ჰერა XXI” ინიციატივით და ქალთა საინფორმაციო ცენტრის ჩართულობით შემუშავდა პეკინის დეკლარაციისა და სამოქმედო პლატფორმის ვალდებულებების შესრულების საზოგადოებრივი ორგანიზაციების ალტერნატიული ანგარიში, სადაც აღნიშნულია პოზიტიური ტენდენცია, მაგრამ ამავე დროს ხაზგასმულია ჩვენს ქვეყანაში და საზოგადოებაში არსებული, ჯერ კიდევ რეალური გამოწვევები ქალთა უფლებების რეალიზაციის კუთხით.
პეკინის დეკლარაცია და სამოქმედო პლატფორმა 1995 წელს ქალთა საკითხებზე გამართულ მეოთხე მსოფლიო კონფერენციაზე მიღებული მთავარი დოკუმენტია და გაერთიანებული ერების ორგანიზაციის ყველა წევრ სახელმწიფოს ეხება. დოკუმენტში დადგენილია მთავრობების ვალდებულება - ხელი შეუწყონ ქალთა უფლებების დაცვასა და გენდერული თანასწორობის მიღწევას. 2020 წელს, ბეიჯინგის სამოქმედო პლატფორმის შექმნიდან 25 წელი შესრულდება.
|