კატეგორია: ეს საინტერესოა 
2019-12-03
უკრაინელმა მოდელმა ვერონიკა დიდუსენკომ Miss World-ის ორგანიზატორების წინააღმდეგ სარჩელი შეიტანა და ამტკიცებს, რომ სილამაზის კონკურსის არსებული წესები დისკრიმინაციულია. დიდუსენკოს აეკრძალა კონკურსში მონაწილეობა იმ მიზეზით, რომ მოდელს შვილი ჰყავს.
24 წლის ვერონიკა დიდუსენკო, რომელსაც ხუთი წლის ვაჟი ჰყავს, გასული წლის სექტემბერში მის უკრაინა გახდა, თუმცა რამდენიმე დღეში მას ტიტული ჩამოერთვა. შოუს წესების თანახმად, გამარჯვებული არ შეიძლება დაქორწინებული იყოს და შვილი ჰყავდეს.
დიდუსენკოს განცხადებით, Miss World-ის კონკურსის წესები, 2010 წლის ბრიტანეთის თანასწორობის შესახებ კანონის შესაბამისად დისკრიმინაციულია.
დიდუსენკო დაჟინებით მოითხოვს სილამაზის კონკურსის წესების შეცვლას.
”მე არ მინდა დავიბრუნო უკან მის უკრაინის გვირგვინი. მე წესების შევცვა მსურს. ეს წესები ქმნის პოლიტიკას, რომელიც მრავალ ქვეყანაში დისკრიმინაციას იწვევს. წელს, Miss World-ის 69-ე ფინალი ლონდონში, 14 დეკემბერს გაიმართება. ჩვენ მიგვაჩნია, რომ ეს საუკეთესო მომენტია კონკურსის წარმომადგენლებისთვის, რომ ცვლილებები მოახდინონ, "- განაცხადა ვერონიკა დიდუსენკომ.
2018 წლის 20 სექტემბერს კიევში გაიმართა კონკურსის მის უკრაინას გრანდიოზული ფინალი. სხვადასხვა რეგიონიდან 25 ლამაზმანი იბრძოდა მთავარი გვირგვინისთვის, მაგრამ გამარჯვება ვერონიკა დიდუსენკომ მოიპოვა. თუმცა, უკვე 4 დღის შემდეგ სოციალურ მისი შვილის ფოტო და ინფორმაცია ქორწინების შესახებ აღმოაჩინეს.
საერთაშორისო შოუს წესების თანახმად კი, გამარჯვებული არ შეიძლება დაქორწინებული იყოს ან შვილი ჰყავდეს.
დიდუსენკოს ადვოკატებმა განაცხადეს, რომ ისინი ასევე აპირებენ სარჩელის შეტანას დამოუკიდებელ მარეგულირებელ ორგანოში - ბრიტანეთის თანასწორობისა და ადამიანის უფლებების კომისიაში.
მის მსოფლიო კონკურსის ორგანიზატორებს, რომლის სათაო ოფისი ლონდონშია, ჯერ არ გაუკეთებიათ განცხადება.
ეს არ არის პირველი შემთხვევა, როდესაც სილამაზის კონკურსების გამარჯვებულებს ტიტულს ართმევენ. 2019 წლის აპრილში ჯოის პრადომ Miss Universe Bolivia 2018-ის ტიტული დაკარგა, როდესაც მან აღიარა, რომ ორსულად იყო.
|
