კატეგორია: ეს საინტერესოა 
2020-01-20
აშშ-ს ეროვნულმა საარქივო და ჩანაწერების ადმინისტრაციამ ბოდიში მოიხადა აქციის რედაქტირებული ფოტოების ჩვენების გამო, რომელიც 2017 წლის 21 იანვარს გაიმართა ვაშინგტონში. ფოტოები გადაღებულია ქალთა მარშის დროს, რომლის მონაწილეები ქუჩაში პრეზიდენტის დონალდ ტრამპის ინაუგურაციის შემდეგ გაიმართა. ამის შესახებ იუწყება The Washington Post-ი.
საქმე ეხება ფოტოს, რომელიც გადაღებულია Getty Images– ის ფოტოგრაფის, მარიო ტამას მიერ. მასზე პლაკატებით ხელში ასობით მომიტინგეა აღბეჭდილი, კაპიტოლიუმის ფონზე.
გამოფენაზე წარმოდგენილ ფოტოზე კი აშშ-ს პრეზიდენტის სახელი გამქრალია ორი პლაკატიდან. მათზე წარწერების თავდაპირველი ვერსია ასე გამოიყურებოდა: "ღმერთს სძულს ტრამპი" და "ტრამპი და რესპუბლიკური პარტია - ხელები შორს ქალებისგან".
მოგვიანებით, ატეხილი სკანდალის მერე, არქივმა გამოაქვეყნა განცხადება საკუთარ ვებგვერდზე, რომელშიც ბოდიშს იხდიდა ფოტოს შეცვლის გამო. ”ჩვენ შეცდომა დავუშვით. ჩვენ ყოველთვის ვიცავდით ჩვენი არქივების ხელშეუხებლობას, ”- ნათქვამია განცხადებაში.
ფოტო აშშ-ს კონსტიტუციის მე -19 შესწორებისადმი მიძღვნილ გამოფენაზე წარადგინეს, რომლის შესაბამისად ქალებმა აქტიური ხმის უფლება მიიღეს. კონგრესმა ეს შესწორება 1920 წელს მიიღო. არქივის მიერ გავრცელებულ განცხადებაში ასევე ნათქვამია, რომ სურათი შეიცვლება არარედაქტირებულით. |
