ევროკავშირის წარმომადგენლობამ საქართველოში და ევროკავშირის სადამკვირვებლო მისიამ ევროკავშირის პრიზი ჟურნალისტიკაში 2019 წლის გამარჯვებულები დააჯილდოვა. რადიო თავისუფლება ევროკავშირის პრიზის ოთხი ნომინაციის გამარჯვებული გახდა.
ევროკავშირის პრიზი ჟურნალისტიკაში 7 ნომინაციაში გაიცა:
საუკეთესო სტატია ბეჭდურ ან ელექტრონულ მედიაში: ნინო თარხნიშვილი, რადიო თავისუფლება - დათმობდი შენს ორგანოებს სიკვდილის შემდეგ?
საუკეთესო სიუჟეტი სამაუწყებლო ან ელექტრონულ მედიაში: ბესო გვენეტაძე, გამომცემლობა „ინდიგო" - თბილისის ტრანსპორტის არასრული ანთოლოგია
საუკეთესო საგამოძიებო სტატია ან სიუჟეტი ბეჭდურ, ელექტრონულ ან სამაუწყებლო მედიაში: გიორგი მგელაძე, რადიო თავისუფლება - BP-ის ნავთობის პრივილეგირებული ქურდები
საუკეთესო ბლოგი/თვალსაზრისი/სვეტი ბეჭდურ ან ელექტრონულ მედიაში: ჯიმშერ რეხვიაშვილი, რადიო თავისუფლება - როგორ გავყიდოთ სტალინი?!
საუკეთესო ორიგინალური და ინოვაციური ნაშრომი ბეჭდურ, ელექტრონულ ან სამაუწყებლო მედიაში: ლაშა ცერცვაძე, გამომცემლობა „ინდიგო"- Can You Hear the Wall?
საუკეთესო დოკუმენტური ფოტო, რომელიც ევროკავშირის ფასეულობებს ასახავს: დათო ქორიძე, რადიო თავისუფლება - ჭიათურა - შიმშილობის მე-9 დღე
ევროკავშირის სადამკვირვებლო მისიის სპეციალური პრიზი სამშვიდობო ჟურნალისტიკაში: მამუკა ყუფარაძე, სტუდია რე - ინტერვიუ თემურ ცხურბათთან
ევროკავშირის პრიზი ჟურნალისტიკაში 2012 წელს დააწესა საქართველოში ევროკავშირის წარმომადგენლობამ. ის ხელს უწყობს პროფესიონალიზმისა და ეთიკური ნორმების დამკვიდრება ქართულ ჟურნალისტიკაში. პრიზების ჩამონათვალში არის, ასევე, სპეციალური პრიზი სამშვიდობო ჟურნალისტიკაში, რომელიც ხელს უწყობს ნდობის აღდგენასა და რომელიც ევროკავშირის სადამკვირებლო მისიამ დააწესა.
