კატეგორია: გენდერი მსოფლიოში 
2020-02-05
აშშ-ს პრეზიდენტი დონალდ ტრამპი 4 თებერვალს წარმომადგენლობითი პალატის წინაშე ყოველწლიური მიმართვით წარსდგა. 80-წუთიან გამოსვლაში ტრამპმა "დიდებული ამერიკის დაბრუნებაზე" ისაუბრა. მისი გამოსვლის ბოლოს წარმომადგენლობით პალატის სპიკერმა, ნენსი პელოსიმ პრეზიდენტის გამოსვლის ტექსტის ასლი პირდაპირ ეთერში დახია.
დემოკრატი კონგრესმენი ქალები პრეზიდენტის ყოველწლიურ მიმართვაზე თეთრი ფერის სამოსით მივიდნენ. მათ თეთრი ფერი იმ სუფრაჟისტი ქალების მხარდასაჭერად ჩაიცვეს, რომელთაც 100 წლის წინ ამერიკელი ქალებისთვის არჩევნებში ხმის მიცემის უფლება მოიპოვეს. კონგრესმენებმა სოლიდარობა გამოუხატეს ბრძოლას, რომელიც მთელი ქვეყნის მასშტაბით მიმართულია ქალთა თანასწოორბის მისაღწევად.
პროტესტს ნენსი პელოსიც შეუერთდა. ”მე ვამაყობ, რომ შევუერთდი ჩემს მეგობრებს @HouseDemWomen,” - დაწერა მან თავის twitter-ში.
დაწყების წინ დონალდ ტრამპმა გამოსვლის ტექსტის ასლი ვიცე-პრეზიდენტ მაიკ პენსსა და ნენსი პელოსის დაურიგა. პელოსიმ მას ხელი გაუწოდა, თუმცა ტრამპმა მას ხელი არ ჩამოართვა. სხდომის დატოვების შემდეგ პელოსიმ ჟურნალისტებს განუცხადა, რომ ტექსტის დახევა „სხვა ალტერნატივების გათვალისწინებით, კეთილშობილური ჟესტია. ეს ნამდვილად ბინძური გამოსვლა იყო”.
ტრამპის გამოსვლა დაძაბული იყო იმის ფონზეც, რომ დეკემბერში კონგრესის ქვედა პალატამ, რომლის უმრავლესობაც დემოკრატებს უჭირავთ, პრეზიდენტის იმპიჩმენტს მხარი დაუჭირა.
|
