თბილისის საკრებულოს ჩუღურეთის რაიონის მაჟორიტარი დეპუტატის რიმა ბერაძის ინიციატივით, დღეს ორმოცამდე ოჯახს სააღდგომო ნობათი დაურიგდა. თბილისის საკრებულოს ცნობით, ჩუღურეთის რაიონში მცხოვრები მრავალშვილიანი დედებისთვის, სოციალურად დაუცველებისთვის, მოხუცებისა და მარტოხელა პენსიონერებისთვის გამართული აქცია აღდგომის ბრწყინვალე დღესასწაულთან დაკავშირებით გაიმართა. რიმა ბერაძე ჩუღურეთის მცხოვრებლებს პირადად ესტუმრა და სააღდგომო ნობათი გადასცა.
როგორც მაჟორიტარმა განაცხადა, ქვეყანაში შექმნილ ვითარებასთან დაკავშირებით, როდესაც მთელი მსოფლიო ახალ კორონავირუსს ებრძვის, თბილისის საკრებულოსა და ჩუღურეთის რაიონის „ქართული ოცნების“ გუნდის ძალისხმევით, დაახლოებით 800-მა ოჯახმა დახმარება უკვე მიიღო. მისივე თქმით, ეს პროცესი მომავალშიც გაგრძელდება.
„დღეს 40-მდე ოჯახი მოვინახულეთ და მათ სააღდგომო ნობათი გადავეცით, რითაც თითოეული მათგანის მიმართ თანადგომა გამოვხატეთ. დიდი იმედი მაქვს, რომ სახელმწიფო რეკომენდაციების გათვალისწინებით, ჩვენ პანდემიას უახლოეს მომავალში დავამარცხებთ. ყველას მოვუწოდებ „დავრჩეთ სახლში“, - განაცხადა რიმა ბერაძემ.
Using materials of the site the reference on GINSC with the indication of the author is obligatory The Portal GINSC is supported by the Kvinna til Kvinna Foundation
