შეიძლება კი ერთდროულად იყო კარგი დედა და წარმატებული პოლიტიკოსი? ამ თემაზე ჩატარებული კვლევის შედეგები გვიჩვენებს, თუ რამდენ სირთულეს აწყდებიან გერმანელი პოლიტიკოსი ქალები.
გერმანიაში, ქალები პოლიტიკაში – არ არის იშვიათობა, თუმცა, პროფესიონალი პოლიტიკოსები, რომელნიც, ამავდროულად, მცირეწლოვანი ბავშვების დედები არიან - არც თუ ისე დიდია. გერმანული საზოგადოების დამოკიდებულება ქალებისადმი, რომლებიც ცდილობენ შეითავსონ პოლიტიკური კარიერა და დედობა არაერთგვაროვანია.
პარლამენტის პლენარული სხდომების დღეებში, როცა დეპუტატების დასწრება სავალდებულოა, მცირეწლოვან ბავშვების დედებს განსაკუთრებულად უჭირთ.
კითხვაზე, რამდენად დადებითია მათი კოლეგების დამოკიდებულება პოლიტიკოსი-დედების მიმართ, დეპუტატ სკუდელნის პასუხი იყო: “მკვეთრად უარყოფითი”.
კვლევის შედეგების თანახმად, ქალი-დეპუტატები, რომლებიც ბავშვის გაჩენის შემდეგ მალევე უბრუნდებიან პოლიტიკას, თითქოს ვალდებულები არიან გაიმართლონ თავი საზოგადოების წინაშე.
ბუნდესტაგის დეპუტატი, იუდიტ სკუდელნი, მოუწოდებს გერმანელებს იყვნენ მომთმენები მისნაირი ქალებისადმი. მისი აზრით, საზოგადოებამ უნდა გააცნობიეროს, რომ არსებობს ოჯახური ორი, განსხვავებული, მაგრამ თანაბარ უფლებიანი მოდელი (სადაც დედა მუშაობს, არის დაკავებული პოლიტიკით და, სადაც დედა - დიასახლისია). ხოლო რომელია უფრო მისაღები, ეს კონკრეტული ოჯახის ასარჩევია.
,,მხოლოდ გერმანიაში კამათობენ იმაზე, რამდენად დაზარალდება ბავშვი, თუკი მას მოუვლის ძიძა, და არა მშობლები”- ხაზს უსვამს კვლევის თანაავტორი იზაბელ კიურშნერი. სხვა ქვეყნებში ამ პრობლემას უფრო მარტივად უყურებენ.
კვლევის ავტორები მივიდნენ დასკვნამდე, რომ პოლიტიკოს ქალთა შორის განსაკუთრებულად უმძიმთ ბუნდესტაგის დეპოუტატებს, რომლებსაც ეშინიათ, რომ დედობა შეიძლება გახდეს მათი კარიერის განვითარების ხელის შემშლელი ფაქტორი.
ამიტომაც, მცირეწლოვან ბავშვთა გერმანელი პოლიტიკოსი დედები ჯერ ისევ გამონაკლისს წარმოადგენენ, თუმცა, ახლო მომავალში მდგომარეობა შიძლება შიცვალოს უკეთესებოსკენ. ნებისმიერ შემთხვევაში, იუდიტ სკუნდელნის სიტყვებით, ბუნდესტაგში გამოჩნდა პირველი შენობა, განკუთვნილი ჩვილი ბავშვების დედებისთვის.
