Category: Announcements 
2019-03-13
შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი პანკისის ხეობის განვითარების პროგრამის ფარგლებში, ხეობაში მცხოვრებ ქალებს იწვევს სასწავლო კურსში „როგორ დავიწყოთ და განვავითაროთ ბიზნესი“ მონაწილეობის მისაღებად.
პროექტი ხორციელდება სსიპ ფინანსთა სამინისტროს აკადემიასთან თანამშრომლობით და გაეროს ქალთა ორგანიზაციის მხარდაჭერით. სასწავლო კურსის მიზანია ქალების სამეწარმეო უნარების ამაღლება - მეწარმეობის შესახებ თეორიული ცოდნისა და ბიზნესის წარმოების პრაქტიკული უნარების გაძლიერება. კურსი მოიცავს ინტერაქტიულ ლექციებსა და პრაქტიკულ დავალებებს.
სასწავლო კურსში მონაწილეობის პირობები:
კურსში მონაწილეობა შეუძლიათ:
• პანკისის ხეობაში მცხოვრებ ქალებს (18 წელს ზემოთ)
• მათ, ვისაც სურს ბიზნესის დაწყება და/ან აქვს კონკრეტული ბიზნეს იდეა
• მათ, ვისაც აქვს ბიზნესის მართვის მოტივაცია
სასწავლო კურსის თემატიკა:
• ახალი ბიზნეს იდეის ჩამოყალიბება
• ბაზრის ანალიზი და სფეროების მიხედვით დაყოფა
• პიროვნებები და გუნდები
• მინიმალური სიცოცხლისუნარიანი პროდუქტის დაგეგმვა
• ბიზნეს მოდელირება
• კომერციალიზაციის სტრატეგიის შემუშავება
• ფინანსური დოკუმენტებისა და დაფინანსების წყაროების დაგეგმვა
• საინვესტიციო პრეზენტაციის მომზადება
კურსში მონაწილეობის მსურველებმა მიმდინარე წლის 13 მარტამდე უნდა გამოაგზავნონ CV (მოკლე რეზიუმე) და სამოტივაციო წერილი შემდეგ მისამართზე: press@smr.gov.ge
წერილში ნათლად და არგუმენტირებულად უნდა იყოს წარმოდგენილი სასწავლო კურსში მონაწილეობის მოტივაცია და მოკლე ინფორმაცია ბიზნესიდეის შესახებ.
მონაწილეთა შერჩევა განხორციელდება ორ ეტაპად:
1.პირველი ეტაპი - საბუთების გადარჩევა
2.მეორე ეტაპი - გასაუბრება
გასაუბრება ჩატარდება პანკისის ხეობაში, სოფელ ყვარელწყლის საზოგადოებრივ ცენტრში 14 მარტს. კურსის ფორმატი ითვალისწინებს მონაწილეთა შეფასებას. კურსის ბოლოს გაიცემა სხვადასხვა კატეგორიის სერტიფიკატი. სერტიფიკატის ტიპი დამოკიდებულია მსმენელის დასწრებაზე, შუალედურ შეფასებებსა და კურსის ბოლოს წარმოდგენილ პრეზენტაციაზე.
დამატებითი ინფორმაცია:
კურსის ხანგრძლივობა: 27 საათი
განხორციელების პერიოდი: 17 - 22 მარტი, 2019
ტრენინგის ხანგრძლივობა: 4,5 საათი
მსმენელების რაოდენობა: 10
ადგილი: ფინანსთა სამინისტროს აკადემია, თბილისი, გორგასლის ქ. 10
კურსში მონაწილეობასთან დაკავშირებული ხარჯები (ტრანსპორტირება, სასტუმროში განთავსება და კვება) ანაზღაურდება გაეროს ქალთა ორგანიზაციის მიერ (შერჩეული კანდიდატების თბილისში ტრანსპორტირება განხორციელდება 16 მარტს)
დამატებითი შეკითხვების არსებობის შემთხვევაში მიმართეთ:
ლალი დევიძე - საკონტაქტო ნომერი: 577 52 77 99;
ელ. ფოსტა: l.devidze@smr.gov.ge
|
