ნიდერლანდების პარლამენტმა მხარი დაუჭირა მოთხოვნას, რომლის მიხედვით ქვეყანაში რეგისტრირებულ კომპანიებში სამეთვალყურეო და აღმასრულებელი საბჭოების წევრების მინიმუმ 30% ქალი უნდა იყოს. ამის შესახებ ინფორმაციას Reuters-ი ავრცელებს.
მოთხოვნას კომპანიებისთვის, რომლებიც ამსტერდამის საფონდო ბირჟაზეა დარეგისტრირებული, პარლამენტმა 87 ხმით 63-ს წინააღმდეგ დაუჭირა მხარი.
მოთხოვნის თანახმად, კომპანიებში, სადაც არ არსებობს მინიმალური გენდერული პარიტეტი, იმ შემთხვევაში, თუ კაცი დატოვებს საბჭოს, იგი ქალით უნდა ჩაანაცვლოს ან დატოვოს პოზიცია ვაკანტური.
მოთხოვნის თანახმად ასევე 5000 – მდე დიდმა კომპანიამ უნდა შეიმუშავოს დეტალური გეგმა, რომლის მიხედვითაც მოხდება ქალთა რაოდენობის გაზრდა მათ სამეთვალყურეო და აღმასრულებელ საბჭოებში.
ნიდერლანდების მთავრობამ ჯერ კიდევ 2013 წელს ყველა მსხვილ კომპანიას დირექტორთა და სამეთვალყურეო საბჭოში ქალების მინიმუმ 30% კვოტის დაწესებისკენ მოუწოდა, თუმცა არ დაუწესა სანქციები ამ კვოტის შეუსრულებლობის შემთხვევაში.
დღეს ქვეყნის კომპანიების მხოლოდ 10% აკმაყოფილებს ამ მოთხოვნას.
მოთხოვნას მხარი დაუჭირა ოპოზიციური და სამთავრობო პარტიების ფართო სპექტრმა, თუმცა მას დაუპირისპირდნენ პრემიერ-მინისტრის კონსერვატიული პარტიის წევრები.
