Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

6 თებერვალს მსოფლიო ქალთა გენიტალიების დასახიჩრების წინააღმდეგ შეუწყნარებლობის საერთაშორისო დღეს აღნიშნავს

კატეგორია: ექსკლუზივი 
2020-02-06

6 თებერვალს მსოფლიო ქალთა გენიტალიების დასახიჩრების (ე.წ. წინადაცვეთის) წინააღმდეგ შეუწყნარებლობის საერთაშორისო დღეს აღნიშნავს (International Day of Zero Tolerance for Female Genital Mutilation (FGM) 2020).

 

 

სოფლიოში დაახლოვებით 200-ს მილიონამდე გოგონა და ქალი იტანჯება ე.წ წინადაცვეთის (FGM) გამო, რომელიც ფსიქიკურ და ფიზიკურ ჯანმრთელობასთან დაკავშირებულ უამრავ პრობლემას ან სიკვდილს იწვევს. ახლახანს ეგვიპტეში წინადაცვეთის შემდეგ 12 წლის გოგონა გარდაიცვალა.

 

 

 

მსოფლიო ჯანდაცვის ორგანიზაციის მონაცემებით, ყოველწლიურად, დაახლოვებით 3 მილიონამდე 15 წლამდე ასაკის გოგონას გენიტალიებზე მანიპულაციას იძულებით უტარებენ. 2020 წელს კი, ასეთი ოპერაციების მსხვერპლი შესაძლოა 4.1 მილიონი გოგონა გახდეს.

 

 

ორგანიზაციის შეფასებით, FGM-ით გამოწვეული გართულებების მკურნალობა მსოფლიოს წელიწადში 1.4 მილიარდი დოლარი დაუჯდება და თუ არ იქნება მიღებული შესაბამისი ზომები 2050 წლისთვის მკურნალობის ღირებულება 50% –ით გაიზრდება.

 

მსოფლიო ლიდერების დაპირების თანახმად, 2030 წლისთვის ამ ბარბაროსული და მტანჯველი ტრადიციის გამოყენება უნდა დასრულდეს. თუმცა გაეროს მიერ გამოქვეყნებულმა ბოლო მონაცემებმა აჩვენა, რომ ზოგიერთ ქვეყანაში, მაგალითად სომალიში, მალიში, გამბიაში, გვინეა ბისაუში, ჩადსა და სენეგალში, წინადაცვეთის პრაკტიკის გამოყენების მაჩვენებელი იგივეა, რაც 30 წლის წინ.

 

ე.წ. წინადაცვეთის პრაკტიკა მიღებულია მსოფლიოს 30 ქვეყანაში, აქედან 27 ქვეყანა აფრიკის კონტინენტზე მდებარეობს. ქვეყნები, სადაც ასეთი ოპერაციები 15-დან 49 წლამდე ასაკის გოგონებსა და ქალებში (87% ან მეტი) ყველაზე მეტად არის გავრცელებული, არის: სომალი, გვინეა, ჯიბუტი და ეგვიპტე.

 

2017 წელს საქართველოში ე.წ. ქალთა წინადაცვეთა სისხლის სამართლის წესით დასჯადი გახდა.

 

შეგახსენებთ, რომ 2016 წელს, საერთაშორისო ორგანიზაცია „ომისა და მშვიდობის გაშუქების ინსტიტუტის“ ვებსაიტზე გამოჩნდა ჟურნალისტური გამოძიება, რომელიც იტყობინებოდა, რომ ყვარლის მუნიციპალიტეტის სამ სოფელში, - თივში, სარუსოსა და ჩანთლისყურეში, - სადაც ძირითადად ეთნიკურად ავარიელი მოსახლეობა ცხოვრობს, გოგონათა ე. წ. წინადაცვეთის პრაქტიკა არსებობს.

 

პუბლიკაციაში, რომელმაც ყვარლის რაიონში მცხოვრები ავარიელების ტრადიცია თვალსაჩინო გახადა, სოფლის მცხოვრები, ჟურნალისტს ეუბნება, რომ არც კი ახსოვს, ბოლო 20 წლის განმავლობაში რამდენ გოგონას გაუკეთა ე. წ. „წინადაცვეთა“. ის პროცედურას სახლში მაკრატლითა და სპირტში დასველებული ბამბით ატარებდა.

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ეგზიტპოლის მიხედვით, პარიზის მუნიციპალურ არჩევნებში სამი ქალი ლიდერობს

პირველად აზერბაიჯანის პარლამენტის თავმჯდომარედ ქალი აირჩიეს

ისტორიაში პირველად საბერძნეთის პარლამენტმა ქალი პრეზიდენტი აირჩია

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

არასრულწლოვნის ტრეფიკინგის ბრალდებით სამი პირი დააკავეს

ბავშვთა პორნოგრაფიის საქმეზე დანაშაულებრივი ქსელის კიდევ 11 წევრი დააკავეს

პოლიციამ ტრეფიკინგის ბრალდებით არასრულწლოვანი შვილების მშობელი დააკავა

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker