სტენფორდის ტურნირის ფინალამდე, სერენა უილიამსი და მარიონ ბარტოლი ერთმანეთს სამჯერ შეხვდნენ. 2003 და 2007 წლებში ამერიკელმა იმარჯვა, წლევანდელ უიმბლდონზე კი მატჩი ფრანგის მოგებით დასრულდა. ნომინალურად ამჯერადაც ბარტოლი ითვლებოდა ფავორიტად. რაც არ უნდა იყოს, მსოფლიო რეიტინგსიაში მარიონს სერენაზე 160 საფეხურით უფრო მაღალი პოზიცია ეკავა. ბარტოლიმ მატჩი დამაჯერებლად დაიწყო და 4:2 დაწინაურდა. ამის შემდეგ კი ინიციატივა უმცროსი უილიამსის ხელში გადავიდა. მან ჯერ პირველი სეტი 7:5 მოიგო, მეორეში კი ევროპელს შანსი არ დაუტოვა (6:1) და უიმბლდონ2010-სა და წლის შემაჯამებელ ტურნირის გათვალისწინებით, ბოლო 3 წლის განმავლობაში მესამე ტიტული მოიხვეჭა. სტენფორდის შეჯიბრებაზე წარმატებული გამოსვლის წყალობით სერენა მსოფლიოს კლასიფიკაციაში 79-ე საფეხურამდე (წინა რეიტინგში 169-ე იყო) აღზევდა, ბარტოლის დამარცხების შემდეგ კი განაცხადა, ჩემი მიზანი სასწრაფოდ მოწინავეთა ათეულში დაბრუნებააო.
Using materials of the site the reference on GINSC with the indication of the author is obligatory The Portal GINSC is supported by the Kvinna til Kvinna Foundation
